(ویب ڈیسک ) پاکستان انٹرنیشنل ایئر لائنز( پی آئی اے) نے لاہور سے لندن فضائی آپریشن شروع کرنے کا اعلان کردیا۔
تفصیلات کے مطابق پہلی پرواز پی کے 757 ، 30 مارچ کو لاہور سے لندن روانہ ہو گی۔ لاہور سے لندن کے لئے پروازیں ہیتھرو ائر پورٹ کے ٹرمینل 4 پر لینڈ کریں گی۔
ترجمان پی آئی اے کا کہنا ہے کہ 6 سال کے وقفہ کے بعد پروازوں کا آغاز کیا جارہا ہے۔ لندن پی آئی اے کے نیٹ ورک کے ابتدائی بین لاقوامی روٹس میں شامل ہے۔ان پروازوں کی شروعات کے بعد برطانیہ کے لیے پی آئی اے کی پروازوں کی ہفتہ وار تعداد 07 ہو جائے گی۔
ترجمان پی آئی اے کا کہنا ہے کہ پابندی سے قبل پی آئی اے پاکستان سے لندن کے لیے ہفتہ وار 10 پروازیں چلا رہی تھی۔ لندن کے لئے پروازوں میں بتدریج اضافہ کیا جائے گا۔
پی آئی اے پہلے ہی اسلام آباد سے لندن کے لئے ہفتہ وار تین پروازوں کا آغاز اعلان کر چکی ہے۔اسلام آباد سے لندن کی پروازیں 29 مارچ سے شروع ہوں گی۔