موجودہ نظامِ مدارس برقرار رکھا جائے، مدارس عربیہ کے اجتماع میں متفقہ قرارداد منظور

(ویب ڈیسک )   مدارس عربیہ کے اجتماع میں قرارداد متفقہ طور پر منظور کر لی گئی، قرارداد میں   حکومت پاکستان سے مطالبہ کیا گیا کہ موجودہ نظامِ مدارس برقرار رکھا جائے، کسی بھی صورت ڈی جی آر ای کے نظام کو ختم نہیں کرنا چاہیے۔

مدارس عربیہ کی قرارداد میں کہا گیا کہ مدارس کو نظام تعلیم سے ہی وابستہ رکھا جائے، حکومت کو کسی بھی دباؤ میں اس نظام کو تبدیل یا ختم نہیں کرنا چاہیے، اس نظام سے لاکھوں طلبا کا مستقبل وابستہ ہے، ان کے مستقبل سے نہ کھیلا جائے۔

قرارداد میں یہ بھی مطالبہ کیا گیا کہ کسی بھی قانون سازی کیلئے تمام مدارس کے بورڈز کے قائدین سے مشاورت کی جائے۔

مدارس عربیہ قرارداد میں مزید کہا گیا ہے کہ کسی بھی صورت موجودہ نظام کو تبدیل کرنے کی کوئی کوشش قابل قبول نہیں ہوگی، حکومت کو کسی بھی قسم کے دباؤ میں نہیں آنا چاہیے۔