کراچی سے تحریک انصاف کے ایم این اے ڈاکٹر عامر لیاقت حسین نے کہا ہے کہ کراچی میں گورنر ہاؤس کی تقریب میں وزیراعظم ابھی خطاب کررہے ہیں تمام ایم این ایز اور ایم پی ایزُ موجود ہیں، مجھے نہیں بلایا گیا .
سماجی رابطوں کی ویب سائٹ پر اپنے ٹوئٹ میں انہوں نے کہا کوئی بات نہیں اللہ عمران خان کو سرخرو کرے، ہم کل بھی نظر انداز تھے آج بھی نظر انداز، مگر یاد رہے ہماری نظر بھی ہے اور انداز کا تو کیا ہی کہنا!!
ایک اور ٹوئٹ میں انہوں نے کہا وزیراعظم صاحب اپنے لوگوں سے بھی مل لیں ، ایم کیو ایم والے 6 ہیں ہم14، اور آپ مجھ سے تو ملنا ہی نہیں چاہتے شاید !حالانکہ آپ جانتے ہیں کہ مجھے آپ نے عضو معطل کی طرح ووٹ ڈالنے والا کراچی کا ایک فالتو ایم این اے سمجھ رکھا ہے،اب اسلام آباد ہی میں ملیں گے ان شا اللہ. اس سے قبل وزیراعظم عمران خان کا گورنر ہاؤس میں کارکنوں سے خطاب کرتے ہوئے کہنا تھا کہ کراچی میں وہ کام کریں گے جو آج تک کسی نے نہیں کیے سندھ کے لوگ ڈاکو زرداری سے آزادی چاہتے ہیں، دنیامیں تیل کی قیمتوں میں اضافہ ہوا، ڈیزل سستا کیا ،بجلی سستی کی . وزیراعظم عمران خان کا کہنا تھا کہ ڈاکووں کے گلدستے کو خوف آنا شروع ہوگیا، ڈاکووں کو نہیں پتہ ہم نے کتنے بڑے بڑے چیلنجز کا سامنا کیا ، قوم کا شکریہ ادا کرناچاہتاہوں،سب سے ٹیکس ہماری حکومت میں جمع ہوا، ہمار ملک صحیح راستے پر نکل آیا ،ہر مشکل میں ہماری حکومت نکلتی گئی،اپوزیشن والوں نے وہ کام کیا جو میں اللہ سے مانگ رہاتھا. وزیراعظم نے کہا پاکستان میں پیٹرول اورفضل الرحمان دبئی سے زیادہ سستاہیں ، عدم اعتماد اپوزیشن والوں کی سیاسی موت ہے ، ڈاکووں اور چوروں کے خلاف 25سال سے جدوجہد اور جہاد کررہاہوں ، ڈاکواور چور کہتے تھے آج عدم اعتماد کریں گے کل کریں گے ، اللہ اس کی زیادہ سنتا ہے جو اپنے ملک کے لیے مانگتے ہیں ،اپوزیشن والے عدم اعتماد کی تحریک میں پھنسے ہیں ،میں نے ان سے آگے کا سوچ لیا،میرے ہاتھ بندھےہوئے تھے ،اب میں ان کو نہیں چھوڑوں گا. وزیراعظم عمران خان میرا پہلا ہدف آصف زرداری ہوں گے ،ان کا وقت آگیا ہے ،آصف زرداری پیسوں کا ٹھوکر الے کر گھوم رہے ہیں ،لوگوں کو خرید رہےہیں،میرے ایک ایم این نے کہا آصف زرداری نے کروڑوں روپے کی پیش کش کی،میں نے کہا آپ لے لیتے پیسے ،کوئی خیراتی کام میں استعمال کرتے .کراچی میں گورنر ہاؤس کی تقریب میں وزیراعظم ابھی خطاب کررہے ہیں تمام ایم این ایز اور ایم پی ایزُ موجود ہیں، مجھے نہیں بلایا گیا ، کوئی بات نہیں اللہ عمران خان کو سرخرو کرے، ہم کل بھی نظر انداز تھے آج بھی نظر انداز مگر یاد رہے ہماری نظر بھی ہے اور انداز کا تو کیا ہی کہنا!!
— Aamir Liaquat Husain (@AamirLiaquat) March 9, 2022