(ویب ڈیسک ) بجلی کے ٹیرف میں فرق ختم کرنے کے لیے وفاقی حکومت کی درخواست پر فیصلہ جاری کردیا گیا۔
تفصیلات کے مطابق نیپرا نے بجلی کی فی یونٹ قیمت میں 1 روپے 71 پیسے کمی کی منظوری دے دی۔ بجلی کی قیمتوں میں کمی کا اطلاق تمام ڈسکوز صارفین بشمول کے الیکٹرک صارفین کیلئے ہو گی ۔
بجلی کی قیمت میں کمی تین ماہ کے لیے ہو گی، صارفین کو 1 روپے 71 پیسے فی یونٹ کا ریلیف اپریل سے جون تک دیا جائے گا ۔
نیپرا نے وفاقی حکومت کی درخواست پر فیصلہ جاری کر دیا ہے۔ نیپرا نے وفاقی حکومت کی درخواست پر 4 اپریل کو سماعت کی تھی ۔
صارفین کو اپریل سے جون تک کے بلوں میں 58 ارب روپے کا ریلیف ملے گا۔ نیپرا نے بجلی سستی کرنے کا فیصلہ حکومت کو بھجوا دیا۔