کراچی ( پبلک نیوز) سندھ میں کورونا ایس او پیز پر نیا حکم نامہ جاری کردیا گیا ہے۔ نیا حکم نامہ ریسٹورانٹ، ہوٹل، سینما ہالز اور شادی ہالز کے لئے جاری کیا گیا۔ تفصیلات کے مطابق کورونا وائرس کی چوتھی لہر کے خدشے کے پیش نظر نئے احکامات جاری کردیئے گئے ہیں۔ہوٹل، ریسٹورنٹ، شادی اور سینما ہالز میں داخلہ کووڈ ویکسیشن سے مشروط قرار دیدی گئی ہوٹل، ریسٹورنٹ، شادی ہالز اور سینما ہالز انتظامیہ کو کووڈ ویکسیشن سے متعلق بینرز آویزاں کرنے کی ہدایت کی گئی ہے۔ ویکسیشن نہ کروانے والوں کو داخلے کی اجازت نہ دی جائے۔ محکمہ داخلہ سندھ کا کہنا تھا کہ تمام اسٹاف کی ویکسیشن کو یقینی بنایا جائے۔