ویب ڈیسک: نیپال میں حکومت کی کرپشن اور سوشل میڈیا کی بندش کے خلاف جاری مظاہروں میں موجود تخریب کاروں نے مظاہروں کی آڑ میں بڑے شاپنگ مالز اور بینکوں کو لوٹ لیا۔
One more video of looting.
— Chauhan (@Platypuss_10) September 10, 2025
During the Nepal protest, Many people were seen looting shops & shopping malls! pic.twitter.com/7BdlU8JmiO
سوشل میڈیا پر وائرل ہونے والی ویڈیو میں دیکھا جا سکتا ہے کہ مظاہرین میں موجود کچھ لوگوں بڑے شاپنگ مالز میں داخل ہوتے ہیں اور قیمتی سامان اٹھا کر فرار ہو جاتے ہیں۔ مظاہروں میں موجود لوگوں نے بینک کو بھی لوٹ لیا جس کی ویڈیو بھی سوشل میڈیا پر وائرل ہو رہی ہے۔
Banks are being looted in Nepal.
— Aishwarya Mudgil (@AishwaryakiRai) September 9, 2025
If you still think student protesters are behind this then I have a beautiful white building in Agra to sell you. pic.twitter.com/okONWUiIft
خیال رہے کہ نیپال میں مظاہروں میں شدت آنے کے بعد وزیراعظم کے پی شرما اولی نے استعفیٰ دے دیا تھا جس کے بعد ایک ویڈیو سامنے آئی تھی جس میں اُن کو ہیلی کاپٹر کے ذریعے ملک سے فرار ہوتے ہوئے دیکھا گیا تھا۔
سوشل میڈیا پر وائرل ہونی والی ویڈیو میں دیکھا جا سکتا ہے کہ نیپال کے مستعفی وزیراعظم شرما اولی ملک سے نکلنے کیلئے ہیلی کاپٹر میں بیٹھ رہے ہیں۔میڈیا رپورٹس کے مطابق اس بات کا امکان ہے کہ وہ دبئی روانہ ہوئے ہیں ۔
خیال رہے کہ نیپال میں گزشتہ ہفتے حکومت کی جانب سے فیس بک سمیت کئی سوشل میڈیا پلیٹ فارمز پر پابندی لگائی تھی۔ 2 روز سے جاری احتجاج میں اب تک 21 افراد ہلاک ہوچکے جبکہ سیکڑوں زخمی ہیں۔
پرتشدد احتجاج میں مظاہرین نے پارلیمنٹ کی عمارت کو آگ لگا دی۔ اس کے علاوہ مظاہرین نے وزیراعظم کی ذاتی رہائش گاہ، بعض سرکاری رہائش گاہوں اور سپریم کورٹ کو بھی آگ لگا دی ہے۔