ویب ڈیسک: پاکستان کی کہانی اُن لوگوں کی زبانی جنہوں نے آزادی کی قیمت قربانیاں دے کر چکائی۔ یوم آزادی کے موقع پر آزاد جموں و کشمیر سے تعلق رکھنے والے انجینئر محمد صادق خان سے خصوصی ملاقات۔ آزاد کشمیر کے ہیرو محمد صادق خان، جدوجہدِ آزادی کا حصہ رہ چکے ہیں۔
انجینئر محمد صادق خان کا کہنا تھا کہ ہم جانتے تھے کہ ایک ملک ایسا بنا ہے جہاں "لا الہ الا اللہ محمد رسول اللہ" قانون ہوگا۔ کشمیر کو آزاد کرانے والوں کا نظریہ بھی یہی تھا کہ یہ ملک اسلامی ہو۔
انجینئر محمد صادق خان نے کہا کہ اسلام کے نام پر ملک بننے کے بعد ہندوؤں کے ساتھ رہنے کا کوئی جواز نہ رہا۔ پاکستان بننے کی خبر ملتے ہی ہندوؤں نے مسلمانوں کو ختم کرنے کا منصوبہ بنایا۔ انہوں نے کہا کہ پاکستان نے ہمیں جو آزادی دی، وہ کسی دوسری قوم کو حاصل نہیں ہوئی۔ یوم آزادی کے موقع پر جدوجہد آزادی کے ہیروز کو پوری قوم کا سلام۔