ویب ڈیسک: (دانش منیر) پنجاب حکومت نے پی ایچ اے میں عہدوں کی تبدیلی کا نوٹیفکیشن جاری کردیا۔ 11 اضلاع میں ڈائریکٹر جنرل پی ایچ اے کے عہدے کو مینجنگ ڈائریکٹر کےعہدے میں تبدیل کر دیا گیا۔
وزیر اعلیٰ پنجاب کی منظوری پر محکمہ سروسز اینڈ جنرل ایڈمنسٹریشن نے نوٹیفکیشن جاری کر دیا۔
نوٹیفکیشن کے مطابق اب ڈائریکٹر جنرل کا عہدہ مینجنگ ڈائریکٹر کہلائے گا۔ لاہور گجرانوالہ ، سرگودھا میں ڈی جی پی ایچ اے کا عہدہ ایم ڈی پی ایچ اے میں تبدیل کردیا گیا۔ سیالکوٹ، راولپنڈی، فیصل آباد، ملتان، ساہیوال کے ڈی جی اب ایم ڈی ہوں گے۔
نوٹیفکیشن میں کہا گیا ہے کہ بہاولپور، گجرات ،ڈی جی خان میں ڈی جی پی ایچ اے کے عہدے تبدیل کر کے ایم ڈی پی ایچ اے کر دیے گئے ہیں۔