(ویب ڈیسک ) دنیا کا سب سے مہنگا پر نیوزی لینڈ کے نایاب اور ناپید ہو چکے پرندے ’ ہوئیا‘ (Huia) کا ہے، جسے ایک نیلامی میں 46 ہزار نیوزی لینڈ ڈالر (تقریباً 28,365 امریکی ڈالر) میں فروخت کیا گیا۔
ہوئیا پرندہ نیوزی لینڈ کا مقامی پرندہ تھا جو 20ویں صدی کے آغاز میں ناپید ہو گیا۔ جب یورپی باشندے نیوزی لینڈ پہنچے، تب بھی یہ پرندہ بہت نایاب تھا۔ اس کی خوبصورت پر کی مانگ کلیکٹرز اور فیشن انڈسٹری میں اتنی بڑھ گئی کہ آخرکار یہ نسل معدوم ہو گئی۔ لیکن آج بھی اس کے پروں کو بے حد قیمتی سمجھا جاتا ہے، اور یہی وجہ ہے کہ دنیا کا سب سے مہنگا پر اسی پرندے سے تعلق رکھتا ہے۔
نیلامی سے قبل اس پروں کی قیمت زیادہ سے زیادہ 3,000 ڈالر لگائی گئی تھی، لیکن یہ غیر معمولی طور پر اچھی حالت میں محفوظ پر حیران کن طور پر 28,365 ڈالر میں فروخت ہوا اور اس نے دنیا کے مہنگے ترین پر کا ریکارڈ قائم کر دیا۔
ویبز آکشن ہاؤس کی سربراہ لیا مورس نے دی گارڈین کو بتایا کہ " ہوئیا ایک علامتی پرندہ ہے اور بہت سے لوگ اس سے روحانی یا ثقافتی تعلق محسوس کرتے ہیں۔ اس پروں میں جھرمٹ نہیں ہے، اس کی اصل رنگت اب بھی محفوظ ہے — خوبصورت بھورا اور چمکدار رنگ، اور کیڑوں کے نقصان کا کوئی نشان نہیں۔"
ہوئیا کے پروں کی قیمت ان کی ماوری (Maori) قوم کے لیے ثقافتی اور روحانی اہمیت کی وجہ سے بھی بہت زیادہ ہے۔ ماوری سردار اکثر ان پروں کو اپنے تاج یا سر کی زینت کے طور پر استعمال کرتے تھے۔
دلچسپ بات یہ ہے کہ دنیا کا سب سے مہنگا پر صرف 9 گرام وزنی ہے، یعنی یہ سونے سے بھی کئی گنا مہنگا ہے۔