ویب ڈیسک: ہندوتوا نظریہ کی بنیاد پر برسراقتدار انتہا پسند مودی حکومت تنقید سے خوفزدہ ہوکرسچ کی آوازیں دبانے لگی۔
مودی حکومت کی نفرت انگیز پالیسیوں اور ناکام سفارت کاری کوقومی اور بین الاقوامی سطح پر شدید تنقید کا نشانہ بنایا جارہا ہے۔
بھارتی جریدے دی وائر کے مطابق بھارتی حکومت سوشل میڈیا پر تنقیدی پوسٹیں آئی ٹی ایکٹ کی دفعہ 69 اے کے تحت بلاک کررہی ہے۔ گزشتہ سال کے پہلے چھ ماہ میں سوشل میڈیا سے مواد ہٹانے کے واقعات 2023 کے مقابلے میں 300 فیصد بڑھ گئے۔
دی وائر کی اپنی دو طنزیہ ویڈیوز اور بانی ایڈیٹر کی ایک ری پوسٹ بھی ایکس اور انسٹاگرام سے ہٹا دی گئی۔ بھارتی صحافیوں ، کارٹونسٹ اور سیاسی ناقدین کی پوسٹس بھی ہٹائی گئیں۔
ماہرین کے مطابق مودی حکومت کی جانب سے تنقیدی سوشل میڈیا پوسٹس بلاک کرنا اظہارِ رائے کی آزادی پر براہِ راست حملہ ہے۔ مودی حکومت کے آمرانہ اقدامات شفافیت کی کمی کو نمایاں اور نام نہاد بھارتی جمہوریت کی قلعی کھول رہے ہیں۔ بھارت میں عوام مودی کی پالیسیوں پر کھل کر تنقید کر رہے ہیں جس سے بھارتی حکومت دباؤ میں نظر آ رہی ہے۔