عالمی براڈ بینڈ فراہم کرنے والی امریکی کمپنی سٹار لنک کے ڈائریکٹر مشرق وسطٰ اور ایشیا مسٹر ریان گڈ نائٹ اور ہیڈ آف گلوبل سائٹ ایکوزیشن بین میکولیم نے آج پاکستان ٹیلی کمیونیکیشن اتھارٹی ( پی ٹی اے) ہیڈ کوارٹرز اسلام آباد کا دورہ کیا۔ انہوں نے چیئرمین پی ٹی اے میجر جنرل عامر عظیم باجوہ (ر) اور ایگزیکٹو ڈائریکٹر فریکوئنسی ایلوکیشن بورڈ سے ملاقات کی۔
ملاقات کے دوران دونوں فریقین نے پاکستان میں سیٹلائٹ براڈ بینڈ کنیکٹیویٹی کی فراہمی اور پاکستان کو عالمی نیٹ ورک سے منسلک کرنے کے لیےسٹار لنک کے مستقبل کے منصوبوں سے متعلق امور پر تبادلہ خیال گیا ۔
چیئرمین پی ٹی اے نے سٹار لنک کے نمائندوں کو وزیراعظم کے ڈیجیٹل پاکستان کے وژن اور معیاری براڈ بینڈ انٹرنیٹ کے لیے پاکستان کی ترقی پذیر مارکیٹ میں امکانات کے بارے میں آگاہ کیا۔ انہوں نے سٹار لنک کے نمائندوں کو پاکستان میں سٹار لنک کے آپریشنز کے لیے ریگولیٹری فریم ورک کے مطابق پی ٹی اے کی حمایت کا یقین دلایا۔
Press Release: US based global satellite broadband provider Starlink’s Director Middle East & Asia, Mr. Ryan Goodnight and Head of Global Site Acquisition Mr. Ben Macwilliam visited PTA Headquarters, Islamabad today. pic.twitter.com/d8JeArBrC2
— PTA (@PTAofficialpk) December 13, 2021
واضح رہے کہ ارب پتی اسپیس ایکس اور ٹیسلا کے سی ای او ایلون مسک کے پاس سٹار لنک کے نام سے ایک اور منصوبہ ہے جو سیکڑوں سیٹلائٹ خلا میں بھیج رہا ہے جس کا مقصد صارفین کو تیز رفتار براڈ بینڈ انٹرنیٹ پیش کرنا ہے۔ یہ سیٹلائٹس آسمان پر مختلف ممالک میں دیکھی گئیں حتیٰ کہ پاکستان کے بیشتر شہروں میں بھی اس کا نظارہ کیا گیا۔