ویب ڈیسک : ویٹی کن نے ہم جنس پرستوں کو پادری بننے کی اجازت دے دی تاہم انہیں دوران تربیت اور بعد میں شادی اور اپنے جنسی رحجانات ظاہرکرنے کی اجازت نہیں ہوگی ۔
یروشلم پوسٹ کی رپورٹ کے مطابق کیتھولک عیسائیوں کے سب سے ادارے ویٹی کن نے نے ہم جنس پرست مردوں کو اطالوی مدارس میں داخلے کے لئے اپنے رہنما اصولوں میں نرمی کردی ہے ۔
یادرہے ویٹی کن نے 4 سال پہلے ہم جنس پرستوں کی شادی پر پابندی عائد کر دی تھی ۔ ویٹی کن کا کہنا تھا کہ کیتھولک چرچ ’کچھ مثبت پہلوؤں‘ کے باوجود ہم جنس پرست شادیوں کے لیے برکت کی دعا نہیں کر سکتا۔
یروشلم پوسٹ کی رپورٹ کے مطابق اطالوی بشپس کانفرنس کے سربراہ کارڈینل میٹیو زوپی نے یکم جنوری کو ان رہنما اصولوں کا اعلان کیا تھا۔
جس میں کہا گیا تھاکہ ہم جنس پرست پادریوں کو ضرورت کے مطابق مجرد رہنے کے اصول کی پابندی کرنی چاہیے۔
نئی ہدایات میں مشورہ دیا گیا ہے کہ پادری بننے کے امیدوار کے ہم جنس پرستانہ رحجان سمیت اس کی پوری شخصیت پر غور کیا جائے۔ امیدواروں کو مشورہ دیا گیا ہے کہ وہ کھل کر اپنے جنسی میلان کا مظاہرہ نہ کریں۔
اطالوی بشپس کانفرنس کے رہنما خطوط کے اعلان کے بعد، جنوری 2023 میں پوپ فرانسس نے بیان دیا تھا کہ کہ "ہم جنس پرست ہونا جرم نہیں ہے،" لیکن یہ ہم جنس پرست پادری نہیں ہو سکتے۔
ا طالوی بشپس کانفرنس میں کہا گیا ہے کہ داخلہ کے لئے پادریوں کی تشکیل کا مقصد مجرد زندگی کو خوش آمدید کہنے، آزادانہ طور پر انتخاب کرنے، اور اس کو ذمہ داری سے زندگی گزارنے کی صلاحیت ہے۔
رہنما خطوط میں مزید کہا گیا ہے کہ چرچ، متعلقہ لوگوں کا دل کی گہرائیوں سے احترام کرتے ہوئے، ہم جنس پرست طرز زندگی یا رحجانات اور ثقافت کو مدارس اور مقدس احکامات کے نفاذ کے لئے قبول نہیں کر سکتا کانفرنس میں یہ بھی کہا گیا کہ ہم جنس پرستانہ رجحانات کا ذکر کرتے ہوئے، یہ مناسب ہے کہ پادریوں کی تشکیل کے عمل کے دوران اس پہلو کو مکمل طور پر سمجھنے کی صلاحیت کو کم نہ کیا جائے۔
یادرہے گذشتہ سال جون میں، پوپ فرانسس نے بشپس کے اجتماع کے دوران ہم جنس پرست مردوں کے لیے اطالوی زبان میں ایک توہین آمیز اصطلاح استعمال کرتے ہوئے کہا کہ وہ بہت زیادہ "منحرف" ہیں اور یہ کہ مدرسوں میں "پہلے سے ہی بہت زیادہ ہم جنس پرستی" موجود ہےتاہم بعدازاں پوپ فرانسس نے اس پر معذرت کی۔
پوپ نے کلرجی ڈیکاسٹری کی 2005 کی ہدایات کا اعادہ کیا، جس کی 2016 میں تصدیق کی گئی تھی، جس میں کہا گیا تھا کہ جو لوگ ہم جنس پرستی پر عمل کرتے ہیں، جن میں ہم جنس پرستی کے رجحانات کی جڑیں گہری ہیں، یا ہم جنس پرستوں کی ثقافت کی حمایت کرتے ہیں انہیں مدارس میں داخلہ نہیں دیا جا سکتا۔
رہنما خطوط میں کہا گیا ہے کہ امیدواروں کو کبھی بھی بدسلوکی میں ملوث نہیں ہونا چاہئے۔ انہوں نے پادریوں کی تشکیل میں نفسیات اور سائیکو تھراپی کے استعمال کی اجازت دی اور خواتین کو اس عمل میں حصہ لینے کی اجازت دی۔