کرنسی ڈیلرز کے مطابق آئی ایم ایف سے ڈیل پر ابھی تک بے یقینی اور قیاس آرائیوں کے باعث ڈالر کی قیمت میں اضافہ ہو رہا ہے۔ امریکی ڈالر کی قیمت پاکستانی تاریخ کی بلند ترین سطح 203 روپے کو عبور کر گئی ہے۔ گذشتہ جمعے کو ایک ڈالر کی قیمت 202.35 روپے پر بند ہوئی تھی۔ پیر کے روز کاروبار کے آغاز پر پاکستانی روپیہ دباؤ کا شکار نظر آیا اور ایک ڈالر کی قیمت میں 65 پیسے کا اضافہ ریکارڈ کیا گیا۔ لیکن آج پاکستان میں کاروباری ہفتے کے پہلے دن روپے کے مقابلے میں امریکی ڈالر کی قیمت ملکی تاریخ کی بلند ترین سطح 203 روپے کو عبور کر گئی ہے۔