ویب ڈیسک: بھارتی کرکٹ ٹیم کے جارح مزاج اوپنر بیٹر ابھیشیک شرما کی صحت سے متعلق اہم پیش رفت سامنے آگئی ہے۔
ذرائع کے مطابق ابھیشیک شرما معدے کے انفیکشن کے باعث نمیبیا کے خلاف میچ میں شرکت نہیں کر سکے۔ طبیعت ناساز ہونے کے بعد انہیں اسپتال میں داخل کیا گیا جہاں علاج کے دوران ان کا تقریباً دو کلو وزن بھی کم ہوگیا۔
حال ہی میں بھارتی فاسٹ بولر ارشدیپ سنگھ نے ان سے ملاقات کے دوران صحت، خوراک اور وزن سے متعلق دریافت کیا۔ اس پر اوپنر بیٹر نے بتایا کہ وہ اس وقت سادہ غذا، خصوصاً دال اور چاول استعمال کر رہے ہیں اور بتدریج بہتر محسوس کر رہے ہیں۔
Update on Abhishek Sharma by Arshdeep Singh, good to know he’s doing good ???? pic.twitter.com/MbvOzMChmg
— ???????????????????????? (@ManishSRH) February 12, 2026
ٹیم کے کپتان سوریا کمار یادیو نے بھی میچ کے بعد گفتگو کرتے ہوئے کہا کہ ابھیشیک مکمل طور پر صحت یاب نہیں ہوئے اور امکان ہے کہ وہ ایک یا دو میچز مزید نہ کھیل سکیں۔
دوسری جانب اسپنر ورون چکرورتی نے انہیں نیٹ پریکٹس میں دیکھنے کے بعد امید ظاہر کی ہے کہ وہ جلد ٹیم کو دستیاب ہوں گے۔ تاہم پلیئنگ الیون میں شمولیت کا حتمی فیصلہ پری میچ ٹریننگ سیشن میں ان کی فٹنس اور کارکردگی کو مدنظر رکھ کر کیا جائے گا۔
اگر ابھیشیک شرما مکمل میچ فٹنس حاصل نہ کر سکے تو پاکستان کے خلاف میچ میں اوپننگ کی ذمہ داری سنجو سیمسن اور ایشان کشن کو سونپی جا سکتی ہے۔