ویب ڈیسک: نگران حکومت نے آئی ایم ایف کی شرط پر گیس کی قیمتوں اور گاڑیوں پر سیلز ٹیکس کی شرح میں اضافے کی منظوری دیدی۔
تفصیلا ت کے مطابق نگران وزیرخزانہ کی زیرصدارت اقتصادی رابطہ کمیٹی کے اجلاس میں گیس قیمتوں اضافے اور مقامی سطح پر تیارشدہ کاروں پر سیلز ٹیکس بڑھانے سمیت آئی بی کیلئے 125 ملین روپے اضافی فنڈ کی منظوری بھی دے دی گئی۔
The Federal Minister for Finance, Revenue, and Economic Affairs, Dr. Shamshad Akhtar presided over a meeting of the Economic Coordination Committee (ECC) of the Cabinet at Islamabad dated February 14th, 2024. pic.twitter.com/AjBUV9EOB4
— Ministry of Finance, Government of Pakistan (@Financegovpk) February 14, 2024
ذرائع کے مطابق پروٹیکٹڈ، نان پروٹیکٹڈ صارفین، کیپٹو پاور پلانٹس کیلئے گیس کی قیمتوں میں اضافہ ہوگا، پروٹیکٹڈ صارفین کیلئے گیس قیمتوں میں 100 روپے فی ایم ایم بی ٹی یو اضافہ متوقع ہے جبکہ نان پروٹیکٹڈ صارفین کیلئے گیس قیمتوں میں 300 روپے فی ایم ایم بی ٹی یو اضافہ متوقع ہے۔
بلک میں گیس استعمال کرنے والوں کیلئے قیمتوں میں 900 روپے فی ایم ایم بی ٹی یو اور سی این جی سیکٹر کیلئے قیمتوں میں 170 روپے فی ایم ایم بی ٹی یو اضافہ کیا جائے گا، کھاد کارخانوں کیلئے بھی گیس کا ریٹ معمولی بڑھایا گیا ہے۔
وزارت خزانہ کے مطابق گیس کی قیمتوں میں اضافے کا اطلاق یکم فروری سے ہوگا، قیمتوں میں اضافے کی حتمی منظوری وفاقی کابینہ سے لی جائے گی۔
گاڑیوں پر سیلز ٹیکس بڑھانے کی منظوری
ای سی سی اجلاس میں مقامی سطح پر تیارشدہ کاروں پر سیلز ٹیکس بڑھانے کی بھی منظوری دے دی گئی جس کے باعث 40 لاکھ مالیت یا 1400 سی سی کی گاڑیوں پر اب 25 فیصد تک سیلز ٹیکس عائد ہوگا، ایف بی آر کو رواں مالی سال کے دوران اس مد میں 4 ارب روپے کا اضافی ریونیو ملے گا۔
40 لاکھ مالیت یا 1400 سی سی گاڑیوں پر عائد سیلز ٹیکس کو آئندہ بجٹ میں بھی عائد کیا جائے گا، 1400 سی سی گاڑی پر 25 فیصد سیلز ٹیکس عائد ہونے سے گاڑیوں کی قیمتوں میں اضافہ متوقع ہے۔
کھاد کی قیمتوں میں اضافے کا نوٹس
وزارت خزانہ کی اقتصادی رابطہ کمیٹی نے کھاد کی قیمتوں میں حالہ اضافے کا نوٹس لیتے ہوئے مسابقتی کمیشن کو کھاد قیمتیں بڑھانے میں ملوث افراد کیخلاف تحقیقات کرنے کا حکم دے دیا۔