’’یونیورسٹی سٹوڈنٹس کو نکالنے کے فیصلہ پر نظر ثانی کرے‘ ‘

ویب ڈیسک: لاہور کی نجی یونیورسٹی کی حدود میں پرپوز کرنے کی ویڈیو وائرل ہونے پر انتظامیہ نے ان کو بے دل کر دیا جس پر مثبت اور منفی دونوں کی قسم کی آراء سامنے آئیں۔ مختلف شوبز شخصیات سمیت کئی لوگوں نے اس فیصلہ غلط قرار دیا۔ لیکن اب حکومتی لوگ بھی اس پر بول پڑے ہیں۔وفاقی وزیر فواد چودھری نے کہا ہے کہ مرضی سے شادی ہر لڑکی کا بنیادی حق ہے۔ اسلام عورتوں کو جو حقوق دیتا ہے۔ مرضی کی شادی ان حقوق میں مرکزی حیثیت رکھتی ہے۔ یونیورسٹی انتظامیہ اپنے فیصلے پر نظرثانی کرے۔ لڑکیوں کو پراپرٹی سمجھنا اسلام کے خلاف ہے۔اس سے قبل وزیر اعظم کے معاون خصوصی برائے سیاسی امور شہباز گل نے ایک ٹویٹ کے جواب میں کہا کہ یہ چھوٹے بچے ہیں۔ زندگی کی بہت ساری گھمبیرتوں سے ناواقف ہیں۔ یہ درست ہے کہ انہیں اپنے کلچر تہذیب کو مد نظر رکھتے ہوئے یوں سماجی بغل گیری سے اجتناب کرنا چاہیے تھا۔ لیکن انہیں یونیورسٹی سے بے دخل کر دینا اس کا حل نہیں۔ کوئی چھوٹی سزا دے دیں۔ تعلیم حاصل کرنا تو بنیادی حق ہے۔

یہ چھوٹے بچے ہیں۔زندگی کی بہت ساری گھمبیرتوں سے ناواقف۔ یہ درست ہے کہ انہیں اپنے کلچر تہذیب کو مد نظر رکھتے ہوئے یوں سماجی بغل گیری سے اجتناب کرنا چاہئیے تھا۔لیکن انہیں یونیورسٹی سے بے دخل کر دینا اس کا حل نہیں۔کوئی چھوٹی سزا دے دیں۔تعلیم حاصل کرنا تو بنیادی حق ہے@fawadchaudhry https://t.co/8A2WLyz44P

— Dr. Shahbaz GiLL (@SHABAZGIL) March 13, 2021

اس ٹویٹ پیغام میں ڈاکٹر شہباز گل نے وفاقی وزیر فواد چودھری کے ٹوئٹر ہینڈل کو مینشن بھی کیا تھا۔ اس کے بعد وفاقی وزیر برائے سائنس و ٹیکنالوجی نے مذکورہ بالا مطالبہ یونیورسٹی انتظامیہ سے کیا.

مرضی سے شادی ہر لڑکی کا بنیادی حق ہے، اسلام عورتوں کو جو حقوق دیتا ہے مرضی کی شادی ان حقوق میں مرکزی حیثئیت رکھتی ہے یونیورسٹی انتظامیہ اپنے فیصلے پر نظرثانی کرے، لڑکیوں کو پراپرٹی سمجھنا اسلام کے خلاف ہے

— Ch Fawad Hussain (@fawadchaudhry) March 15, 2021

اس کے علاوہ ویڈیو میں نظر آنے والی متعلقہ لڑکی نے سوشل میڈیا پر ان کے حق میں آواز اٹھانے پر تمام اداکاروں اور دیگر لوگوں کا شکریہ ادا کیا ہے.

Thank you so much all of you!!! https://t.co/U73bXV69Jg

— Hadiqa Javaid (@HadiqaZJavaid) March 15, 2021