ویب ڈیسک: ہالی وڈ کے مشہور ہدایتکار روب رائنر اور ان کی بیوی کی لاشیں 2 روز قبل ان کے گھر سے برآمد ہوئیں، جس کے بعد پولیس نے تحقیقات شروع کی۔ غیر ملکی میڈیا کے مطابق، پولیس نے مقتولین کے بیٹے نک رائنر کو ان کی موت کا ذمہ دار قرار دے کر گرفتار کر لیا ہے۔
اس المناک واقعے پر امریکی صدر ڈونلڈ ٹرمپ نے طنزیہ انداز میں روب رائنر کی موت پر ردعمل دیا، جس سے مبصرین حیران رہ گئے۔ ٹرمپ نے کہا کہ روب رائنر، جو کبھی ایک کامیاب ہدایتکار اور کامیڈی اسٹار تھے، "ٹرمپ ڈیرینجمنٹ سنڈروم" کا شکار تھے، جو ان کی موت کا سبب بنا۔
اس بیان پر ریپبلکن کانگریس مین تھامس میسی نے شدید اعتراض کرتے ہوئے اسے "نامناسب" اور "بے ادب" قرار دیا، جب کہ کیلیفورنیا کے گورنر گیون نیوسم نے ٹرمپ کو "ایک بیمار آدمی" کہا۔
روب رائنر کی شہرت
روب رائنر، جو "All in the Family" ٹی وی سیریز کے مشہور اداکار تھے، "When Harry Met Sally" اور "The Princess Bride" جیسی کامیاب فلموں کے ہدایتکار بھی تھے۔ وہ امریکی صدر ٹرمپ کے کھلے ناقد اور ڈیموکریٹک پارٹی کے بڑے ڈونر تھے۔