ویب ڈیسک: پہلے ٹیسٹ میچ میں جنوبی افریقہ کے خلاف شاندار فتح حاصل کرنے کے بعد قومی ٹیم ٹیسٹ چیمپئن شپ میں دوسرے نمبر پر آگئی۔
ٹیسٹ چیمپئن شپ 2025-27 کے اپنے پہلے میچ میں، گرین کیپس نے دفاعی چیمپئن جنوبی افریقہ کو شکست دے کر 12 پوائنٹس حاصل کیے اور اس کا جیت کا تناسب 100% ہے۔
آسٹریلیا جو کہ گرین کیپس سے اوپر ہے، موجودہ عرصے میں اب تک اپنے تینوں ٹیسٹ میچز جیت کر 36 پوائنٹس حاصل کر چکا ہے، اس کا تناسب بھی 100 فیصد ہے۔
سری لنکا دو ٹیسٹ میچوں میں ایک جیت اور ایک ڈرا کی بدولت 16 پوائنٹس اور 66.67 فیصد کے ساتھ تیسرے نمبر پر ہے۔
The #WTC27 standings after Pakistan’s comprehensive win over defending champions South Africa
— ICC (@ICC) October 16, 2025
Read More ✍️ https://t.co/dJdTMettEh pic.twitter.com/ggpU7975j5
موجودہ ٹیسٹ چیمپئن شپ میں بھارت نے سب سے زیادہ میچ کھیلے ہیں جن میں سے اس نے چار جیتے ہیں، دو میں شکست کھائی ہے اور ایک ڈرا ہوا ہے۔ زیادہ میچوں کی وجہ سے بھارت کے پاس سب سے زیادہ پوائنٹس ہیں لیکن 61.90 کے جیت کے تناسب کے ساتھ وہ چوتھے نمبر پر ہے۔
انگلینڈ نے اپنے پانچ میں سے دو میچ جیتے، دو ہارے اور ایک ڈرا ہوا۔ سست اوور ریٹ پر انگلینڈ کو بھی دو پوائنٹس کا نقصان ہوا۔
انگلینڈ کے 26 پوائنٹس اور جیت کا تناسب 43.33 ہے۔ بنگلا دیش 16.67 فیصد کے ساتھ چھٹے اور جنوبی افریقہ ساتویں نمبر پر ہے۔
ویسٹ انڈیز اب تک اپنے پانچوں ٹیسٹ میچ ہار چکا ہے۔ نیوزی لینڈ نے ابھی اپنی مہم شروع نہیں کی ہے۔