(ویب ڈیسک ) وزیراعظم د شہباز شریف نے ریکارڈ کرنٹ اکاؤنٹ سرپلس کے حصول پر اطمینان کا اظہار کیا ہے۔
وزیر اعظم شہباز شریف کا کہنا ہے کہ 10 سالوں میں پہلی بار نومبر2024 میں پاکستان کا کرنٹ اکاؤنٹ سرپلس 729 ملین امریکی ڈالرز پر پہنچ جانا ملکی معیشت کے لئے انتہائی خوش آئند ہے اسٹیٹ بینک آف پاکستان کی جانب سے پالیسی ریٹ میں کمی، مہنگائی اور افراط زر میں بتدریج کمی اور کرنٹ اکاؤنٹ سرپلس میں اضافہ حکومت کی مثبت معاشی پالیسیوں کا منہ بولتا ثبوت ہیں۔
انہوں نے کہا کہ کرنٹ اکاؤنٹ سرپلس میں ریکارڈ اضافے سے پاکستان کی عالمی معاشی مارکیٹ میں پوزیشن مستحکم ہو گی ، کرنٹ اکاؤنٹ سرپلس سے پاکستانی معیشت ملکی اور بین الاقوامی سرمایہ کاروں کے اعتماد میں اضافہ ہو گا۔
وزیراعظم نے وفاقی وزیر خزانہ محمد اورنگزیب ، وزیر مملکت برائے خزانہ علی پرویز ملک اور حکومت کی معاشی ٹیم کو خراج تحسین پیش کیا۔