ویب ڈیسک : انسداد دہشت گردی عدالت لاہور نے بانی پی ٹی آئی عمران خان کی تین مقدمات میں عبوری ضمانت میں 26 اپریل تک توسیع کر دی ہے۔
جج ارشد جاوید نے کیس کی سماعت کی ، بانی پی ٹی آئی کے جونئیر وکلاء کی ٹیم عدالت میں پیش ہوئی اور استدعا کی کہ سینیر وکیل بیرسٹر سلمان صفدر مصروف ہیں مہلت دی جائے۔
بانی پی ٹی آئی کی جیل سے ویڈیو لنک پر ایک بار بھی حاضری مکمل نہیں ہوئی۔
عدالت نے بانی پی ٹی آئی کی تین مقدمات میں عبوری ضمانت میں چھبیس اپریل تک توسیع کی اور عمران خان کی اڈیالہ جیل سے بذریعہ ویڈیو لنک حاضری مکمل کرانے کا حکم دیا۔