(ویب ڈیسک) چین کی روبوٹکس کمپنی یونی ٹری روبوٹیکس نے ایک ایسا انسان نما روبوٹ تیار کیا ہے جو رفتار کے میدان میں حیران کن صلاحیتوں کا مظاہرہ کر رہا ہے۔ کمپنی کے مطابق ’ سپرمین‘ نامی یہ روبوٹ 12.66 میٹر فی سیکنڈ کی رفتار سے دوڑ سکتا ہے، جو یوسین بولٹ کی 100 میٹر کی عالمی ریکارڈ دوڑ کی اوسط رفتار سے بھی زیادہ ہے۔
رپورٹس کے مطابق اس روبوٹ کی تیاری میں تقریباً تین ماہ لگے اور یہ 2 میٹر تک چھلانگ لگانے کی صلاحیت بھی رکھتا ہے۔ روبوٹ کا قد تقریباً 5 فٹ 7 انچ بتایا گیا ہے۔
جمیکا کے لیجنڈری ایتھلیٹ یوسین بولٹ نے 2009 میں 100 میٹر کا عالمی ریکارڈ 9.58 سیکنڈ میں قائم کیا تھا۔ اس دوران ان کی اوسط رفتار تقریباً 10.44 میٹر فی سیکنڈ رہی۔ اس حساب سے یونی ٹری کے دعوے کے مطابق سپرمین روبوٹ کی رفتار بولٹ کی اوسط رفتار سے زیادہ بنتی ہے۔
Unitree New Robot Preview: “Superman” Breaking the Limits of Humanity????
— Unitree (@UnitreeRobotics) August 17, 2026
Standing high jump 2 m, top speed 12.66 m/s (0.85 m leg length)
Surpassing the standing high jump and running speed records of all humans around the world
This new machine has only been in development for a… pic.twitter.com/12i80ITU6p
تاہم روبوٹ کی اس رفتار اور دیگر کارکردگی کے ریکارڈز کی ابھی باضابطہ طور پر آزادانہ تصدیق نہیں ہوئی۔ یونی ٹری کا کہنا ہے کہ آنے والے مہینوں میں روبوٹ کی کارکردگی مزید بہتر ہونے کی توقع ہے۔
کمپنی کے مطابق سپرمین روبوٹ کو 19 اگست کو عوام کے سامنے پیش کیا جائے گا، جبکہ 19 سے 23 اگست تک جاری رہنے والی ورلڈ روبوٹ کانفرنس میں بھی اسے عملی طور پر دوڑتے اور مختلف حرکات کرتے دیکھا جا سکے گا۔
یونی ٹری کے روبوٹس اس سے قبل بھی روبوٹکس مقابلوں میں نمایاں کارکردگی دکھا چکے ہیں اور گزشتہ سال کی مختلف مقابلہ جاتی سرگرمیوں میں کمپنی نے چار گولڈ میڈلز جیتے تھے۔
اب سب کی نظریں اس بات پر ہیں کہ سپرمین روبوٹ مستقبل میں رفتار اور انسان نما روبوٹکس کے میدان میں مزید کون سے ریکارڈ قائم کرتا ہے۔