عون چوہدری کے بارے میں بیان پر عطاء تارڑ کا یوٹرن

مسلم لیگ ن کے رہنماء عطاء تارڑ ماضی میں دیئے گئے ایک بیان کی وجہ سے تنقید کی زد میں ہیں، لیگی رہنماء کے بیان کی ایک ویڈیو وائرل ہو رہی ہے جس میں وہ حال ہی میں وزیراعظم شہباز شریف کے مشیر برائے امور نوجوانان مقرر ہونے والے عون چوہدری پر تنقید کر رہے ہیں. ویڈیو میں عطاء تارڑ کہتے ہیں کہ عون چو ہدری لاہور اسلام آباد کی ایلیٹ میں ڈرگ سپلائی کرتا ہے۔ وائرل ویڈ یو میں عطاء تارڑ نے عون چوہدری کیخلاف مقدمہ درج کرانے کا مطالبہ بھی کیا.

عطاء تارڑ کیلئے تالیاں۔اسی لیئے تو ہم کہتے ہیں کہ #امپورٹڈ_حکومت_نا_منظور pic.twitter.com/Lp9KmUbK7i

— JAVED SHAKEEL AWAN (@javed030025) April 19, 2022

عون چوہدری کو مشیر بنانے پر صحافی کی جانب سے گزشتہ روز سوال پوچھا گیا تو جواب میں عطاء تارڑ کا کہنا تھا کہ تازہ خبر آئی ہے عون ہمارا بھائی ہے.

عون چوہدری کو مشیر بنانے کے سوال پر عطاء تارڑ سے میرا سوال۔۔۔۔۔!!!!!

عطاء تارڑ کا جواب: تازہ خبر آئی ہے عون ہمارا بھائی ہے pic.twitter.com/0VOjk2R7lN

— Arslan Jutt (@ArslanJutt43) April 19, 2022

سیاسی تجزیہ نگاروں کاماننا ہے کہ عون چوہدری کو شہباز شریف کا مشیر مقرر کیا جانا عمران‌خان کے لیے ایک پیغام ہو سکتا ہے۔ اسی طرح جہانگیر ترین گروپ کو بھی ایک پیغام دیا گیا ہے کہ مخلوط وفاقی حکومت میں بھی اس گروپ کا اب باقاعدہ نمائندہ موجود ہے۔ ماضی میں عمران خان کے قریب سمجھے جانے والے عون چوہدری کا تعلق بنیادی طور پر لاہور کے علاقے جیون ہانہ سے ہے۔ ان کےبھائی امین چوہدری نے پی ٹی آئی کے ٹکٹ پر 2018 میں ایم پی اے کا الیکشن لڑا اور جیتے، تاہم اب انکا شمار بھی پارٹی کے منحرف اراکین میں ہوتا ہے جن کی مدد سے حمزہ شہباز وزیر اعلیٰ منتخب ہو ئے.