ہالی وڈ اداکارہ جینیفر لوپیز کا ایک بار پھر طلاق کا اعلان، دوسری بار بھی شادی ناکام

ویب ڈیسک: عالمی شہرت یافتہ امریکی اداکارہ و گلوکارہ جینیفر لوپیز نے شادی کے دو سال بعد اداکار بین ایفلیک سے طلاق کے لیے عدالت سے رجوع کرلیا۔

تفصیلات کے مطابق عالمی شہرت یافتہ امریکی اداکارہ و گلوکارہ جینیفر لوپیز نے شادی کے دو سال بعد اداکار بین ایفلیک سے طلاق کیلئے عدالت سے رجوع کرلیا۔گزشتہ کچھ عرصے سے جینیفر لوپیز اور اُن کے شوہر بین ایفلیک کے درمیان طلاق کی خبریں زیرِ گردش تھیں، تاہم اب بین الاقوامی میڈیا نے اس خبر کی تصدیق کردی ہے۔بین الاقوامی میڈیا کے مطابق جینیفر لوپیز نے 20 اگست کو لاس اینجلس کاؤنٹی سُپیریئر کورٹ میں بین ایفلیک سے طلاق کیلئے درخواست دائر کی، تاہم اس فنکار جوڑی کی جانب سے ابھی تک طلاق سے متعلق کوئی بیان سامنے نہیں آسکا۔

قانونی دستاویزات میں جینیفر لوپیز نے بتایا کہ وہ اور بین ایفلیک 26 اپریل 2024 کو علیحدہ ہوگئے تھے لیکن قانونی کارروائی مکمل ہونے کی وجہ سے طلاق کی خبر کو خفیہ رکھا گیا۔

میڈیا رپورٹس میں بتایا گیا کہ بین ایفلیک سے علیحدگی کی وجہ سے جینیفر لوپیز مایوس اور اُداس ہیں لیکن وہ اپنے فیصلے پر قائم ہیں اور اپنی زندگی میں آگے بڑھنے کیلئے تیار ہیں۔ جینیفر لوپیز اور بین ایفلیک کی طلاق کی خبر نے اُن کے مداحوں کو مایوس کردیا ہے، مداح اس جوڑی کو ہمیشہ ساتھ دیکھنا چاہتے تھے۔

واضح رہے کہ بین ایفلیک اور جینیفر لوپیز نے جولائی 2022 میں لاس ویگس میں شادی کی تھی، یہ جوڑی ’’بینیفر‘‘ کے نام سے مشہور ہوئی تھی۔

55 سالہ گلوکارہ و اداکارہ جینیفر لوپیز کی یہ چوتھی جبکہ آسکر ایوارڈ یافتہ فلم اسٹار بین ایفلیک کی یہ دوسری شادی تھی۔