ویب ڈیسک: صدر مملکت آصف علی زرداری اور وزیراعظم شہباز شریف نے آج قوم کو عیدالفطر کی مبارکباد پیش کی ہے۔
صدر زرداری نے اپنے پیغام میں کہا کہ عید کا یہ دن ہمیں قومی یکجہتی، آئینی بالادستی اور قانون کی پاسداری کے عزم کی تجدید کا موقع فراہم کرتا ہے۔
وزیراعظم شہباز شریف نے کہا کہ عید کے خوشیوں کے باوجود ہمارے دل فلسطین اور مشرقِ وسطیٰ میں جاری مشکلات کے حوالے سے غمگین ہیں، اور یہ واقعہ امت مسلمہ میں مزید اتحاد کی ضرورت کی یاد دہانی کراتا ہے۔
پاک فوج کی جانب سے بھی قوم کو عیدالفطر کی مبارکباد دی گئی۔ آئی ایس پی آر کے مطابق مسلح افواج کے سربراہان نے پاکستانی عوام کے لیے نیک خواہشات کا اظہار کیا۔
آئی ایس پی آر کی جانب سے جاری بیان میں کہا گیا ہے کہ دعا ہے کہ عید پاکستان اور امت مسلمہ کے لیے امن و خوشحالی لے کر آئے۔ عید ہمیں اتحاد، ہمدردی اور شکرگزاری کا درس دیتی ہے، اور پاک فوج کے جوان عید کے دن بھی وطن کے دفاع میں مصروف رہتے ہیں۔