(ویب ڈیسک)فلسطینی وزارتِ خارجہ نے برطانیہ، کینیڈا اور آسٹریلیا کافلسطین کو بطور ریاست تسلیم کرنے پر شکریہ ادا کیا ہے۔
فلسطینی وزارتِ خارجہ نے ان ممالک کا شکریہ ادا کیا ہے جنہوں نے باضابطہ طور پر ریاستِ فلسطین کو تسلیم کیا ہے۔ ان ممالک میں برطانیہ، کینیڈا اور آسٹریلیا شامل ہیں۔
وزارتِ خارجہ کے مطابق یہ فیصلے جرات مندانہ ہیں جو بین الاقوامی قانون اور اقوام متحدہ کی قراردادوں کے عین مطابق ہیں، یہ اقدام اس بات کا ثبوت ہے کہ یہ ممالک فلسطینی عوام کے حقِ خودارادیت، خطے میں امن کے قیام اور دو ریاستی حل کی حمایت کرتے ہیں۔
وزارت نے اس عزم کا بھی اظہار کیا کہ فلسطین اور اس کی جائز حکومت ان ممالک کے ساتھ ہر سطح پر مضبوط اور پائیدار تعلقات قائم کرنے کے لیے تیار ہے تاکہ خطے اور دنیا میں امن، استحکام اور خوشحالی کو فروغ دیا جا سکے۔
وزارت نے ان ممالک سے بھی اپیل کی ہے جنہوں نے تاحال فلسطین کو تسلیم نہیں کیا، بالخصوص امریکا، کہ وہ بھی اس تاریخی موقع پر پہل کرے اور بین الاقوامی قانون اور عالمی عدالتِ انصاف کی مشاورتی رائے کے مطابق فیصلہ کرے تاکہ تاریخ کے صحیح رخ پر کھڑا ہو سکے۔
الخارجية ترحب باعترافات الدول بدولة فلسطين وتعتبرها حماية لحل الدولتين بهدف تحقيق السلام
— State of Palestine - MFA ???????????????? (@pmofa) September 21, 2025
ترحب وزارة الخارجية والمغتربين وتشكر الدول التي اعترفت بدولة فلسطين وهي المملكة المتحدة وكندا واستراليا وتعتبرها قرارات شجاعة تنسجم مع القانون الدولي وقرارات الشرعية الدولية وتنطلق من حرص… pic.twitter.com/4UlchcLy6e