ویب ڈیسک: آئی ٹی کامرس نیٹ ورک (ITCN) ایشیا کے 24 ویں ایڈیشن نے مقامی اور بین الاقوامی آئی ٹی، ٹیلی کام اور اس سے منسلک شعبوں کے لیے کاروباری اور سرمایہ کاری کے سودوں میں 500 ملین ڈالرسے زیادہ رقم کے معاہدے ہوئے۔
تفصیلات کے مطابق اس تقریب کو پاکستانی وزارت انفارمیشن ٹیکنالوجی اور ٹیلی کمیونیکیشن(MoITT)، پاکستان ٹیلی کمیونیکیشن اتھارٹی(PTA)، ایس آئی ایف سی (SIFC)، پاکستان سافٹ ویئر ایکسپورٹ بورڈ(PSEB) اور پاکستان سافٹ ویئر ہاؤسز ایسوسی ایشن(P@sha)کی مشترکہ معاونت حاصل رہی۔
تین روزہ ایونٹ میں 600 سے زائد کمپنیوں نے شرکت کی، اس دوران مختلف فکر انگیز نیٹ ورکنگ سیشنز کا اہتمام کیا گیا جس میں آرٹیفیشل انٹیلی جنس(AI) اور گلوبل ڈیجیٹل سمٹ شامل تھے۔
آئی ٹی سی این (ITCN) ایشیا کلیدی شعبوں، جیسے کہ کلاؤڈ، ڈیٹا سینٹر، سائبر سکیورٹی، تعلیم، بینکنگ و فنانس، صحت و فارما، ای کامرس، آرٹیفیشل انٹیلیجنس (AI) وغیرہ میں حل پیش کرنے کے لیے ایک جامع پلیٹ فارم پیش کرتا ہے۔
وزیر مملکت برائے انفارمیشن ٹیکنالوجی شزہ فاطمہ خواجہ کا کہنا ہے کہ پاکستان کی 68 فیصد آبادی نوجوانوں پر مشتمل ہے اور آئی ٹی ایک ایسا شعبہ ہے جس میں ان کے لیے بہت سے مواقع دستیاب ہیں۔
حکومت نے انڈسٹری اکیڈیمیا بریج پروگرام(Industry Academia Bridge Program) شروع کیا ہے جس کے تحت یونیورسٹیوں میں آئی ٹی کے طلباء پرائیویٹ سیکٹر کے ساتھ مل کر تعلیم حاصل کر کے عملی تربیت حاصل کر سکتے ہیں اور اپنی ملازمتیں محفوظ کر سکتے ہیں۔
پاکستان کی ڈیجیٹل ترقی اور ایک عالمی اسٹیک ہولڈر کے طور پر اس کی پوزیشن کو اس کے متحرک نوجوانوں نے واضح کیا ہے کیونکہ پاکستان ہر سال 10,000 آئی ٹی گریجویٹس تیار کرتا ہے۔
پاکستانی سرکاری میڈیا کے مطابق، 12 مختلف ممالک سے تعلق رکھنے والے بین الاقوامی سرمایہ کاروں کے ایک وفد نے اس تقریب میں شرکت کی جس سے تقریباً 500 ملین ڈالر کی سرمایہ کاری کی توقع ہے۔
تین روزہ نمائش میں مائیکروسافٹ، ان باکس، ریڈ ہیٹ، ٹی پی-لنک، لینووو، ایچ پی، نیٹ سول، اباکس اور ڈیل سمیت معروف بین الاقوامی اور قومی ٹیکنالوجی کمپنیوں نے شرکت کی۔