ویب ڈیسک: وزیر اعلیٰ پنجاب مریم نوازشریف اچانک ہولی فیملی ہسپتال راولپنڈی پہنچ گئیں۔ وزیراعلیٰ مریم نوازشریف نے ہولی فیملی ہسپتال کے مختلف وارڈز کا دورہ کیا۔
تفصیلات کے مطابق ہولی فیملی ہسپتال نیو بلاک کے دورے پر مزدوروں کی کم اجرت کا نوٹس لے لیا۔ وزیر اعلیٰ مریم نوازشریف نے مزدورں کو قانون کے مطابق اجرت ادا کرنے کی ہدایت کردی۔
وزیراعلیٰ مریم نوازشریف نے پیڈز ایمرجنسی، مدر اینڈ چائلڈ بلاک اور دیگر وارڈ کا جائزہ لیا۔ وزیراعلیٰ مریم نوازشریف کی مریضوں سے گفتگو، تیمارداری کی اور جلد صحت یابی کی دعائیں کیں۔ بعض مریضوں نے ہسپتال میں درپیش مسائل سے آگاہ کیا۔
وزیراعلیٰ مریم نوازشریف نے مریضوں سے ادویات کی فراہمی اور دستیاب سہولتوں کے بارے میں دریافت کیا۔ وزیر اعلیٰ مریم نوازشریف ہسپتال میں زیر علاج مریضوں کے اہل خانہ کے پاس رک گئیں۔ درخت کے نیچے بیٹھی فیملی شدید گرمی کی وجہ سے دستی پنکھوں سے ہوا لینے پر مجبور تھے۔
وزیر اعلیٰ مریم نوازشریف نے بزرگ شہری اور اہلخانہ سے بات چیت کی اور مریض کے بارے میں دریافت کیا۔ وزیر اعلیٰ مریم نوازشریف نے مریضوں کے لواحقین کے لئے شیڈ اور پنکھوں کا انتظام کرنے کی ہدایت کردی۔
وزیراعلیٰ مریم نوازشریف نے آئی سی یو میں زیر علاج مریض بچوں کی عیادت کی۔ وزیر اعلیٰ مریم نوازشریف ایک بچی کے پاس رک گئیں اورخوشگوار موڈ میں باتیں کیں۔ ننھی بچی نے وزیر اعلیٰ مریم نوازشریف کے ساتھ ”ہائی فائی“ کیا۔
وزیر اعلیٰ مریم نوازشریف نے تین سالہ حسنین کے دل میں سوراخ کے لئے فوری اقدامات کی ہدایت کردی۔
وزیر اعلیٰ مریم نوازشریف کی ہدایت پر آر آئی سی سے ڈاکٹروں کی ٹیم فوری طور پر ہولی فیملی ہسپتال پہنچ گئی۔
وزیراعلیٰ مریم نوازشریف کو ہولی فیملی ہسپتال کے ری ویمپنگ پراجیکٹ کے بارے میں بتایا گیا۔ وزیر اعلیٰ مریم نوازشریف نے تعمیر و مرمت شدہ بلاک کا تفصیلی جائزہ لیا۔ وزیر اعلیٰ مریم نوازشریف ہولی فیملی ہسپتال کے زیر تعمیر نیوبلاک کا بھی جائزہ لیا۔
وزیر اعلیٰ مریم نوازشریف نے سی اینڈ ڈبلیو کو 30جون تک نیو بلاک کی تعمیر مکمل کرنے کی ہدایت کردی۔ سینئر صوبائی وزیر مریم اورنگزیب، چیف سیکرٹری زاہد اختر زمان بھی ہمراہ تھے۔