اسلام آباد(پبلک نیوز) فواد چودھری نے کہا ہے کہ پاکستان کے خلاف عالمی سطح پر سازشیں ہورہی ہیں، پاکستان کے خلاف پوری کوشش کی گئی خطے میں تنہاکیا جائے، پاکستان ہر سازش کے بعد زیادہ کامیاب ملک بن کر ابھرا ہے. ہم لیڈ رول میں ہیں اور رہیں گے.
وفاقی وزیر اطلاعات ونشریات چودھری فواد حسین نے لیڈرز ان اسلام آباد بزنس کانفرنس سے خطاب میں کہا کہ 100منصوبے مختلف وزارتوں کے تحت شروع کیے جارہے ہیں، قیادت کے لیے ہمت،حوصلہ اور قسمت کا ہونا ضروری ہے، پاکستان کے خلاف عالمی سطح پر سازشیں ہورہی ہیں، 20سال بعد سازشیں کرنے والے خاک چھان رہے ہیں.
فوادچودھری نے کہا اشرف غنی افغانستان سے رات کے اندھیرے میں فرار ہوئے، بدقسمتی سے3سال وزیراعظم رہنے والا بھی آج ملک سے فرار ہے، پاکستان نے بھارت سے ہمیشہ اچھے تعلقات کی بات کی، وزیراعظم کے ویژن کے تحت ملک دنیا میں مزید طاقتوربن کرابھرا.
براہ راست: وفاقی وزیر اطلاعات ونشریات چوہدری فواد حسین لیڈرز ان اسلام آباد بزنس کانفرنس سے خطاب کررہے ہیں https://t.co/oHle6k45Vi@fawadchaudhry @MoIB_Official @FinMinistryPak
— ریڈیوپاکستان (@PBC_Urdu) September 22, 2021