(ویب ڈیسک ) ہیلی کاپٹر حادثے میں شہید ہونے والے مرحوم ایرانی صدر ابراہیم رئیسی کو مشہد میں سپرد خاک کر دیا گیا۔
غیر ملکی خبر ایجنسی کے مطابق مرحوم صدر ابراہیم رئیسی کی تدفین مشہد میں روضہ امام علی رضا ؑکے احاطے میں ہوئی۔آج صدر رئیسی کی میت تدفین کیلئے جب امام علی رضاؑ کے روضے پر لائی گئی تو وہاں لوگوں کی بڑی تعداد موجود تھی۔
خیال رہے کہ گزشتہ روز ابراہیم رئیسی اوران کے رفقا کی نماز جنازہ کل تہران میں ادا کی گئی تھی۔ ایران کے سپریم لیڈر آیت اللہ خامنہ ای نے تہران میں ایرانی صدر ابراہیم رئیسی، وزیر خارجہ حسین امیر عبداللہیان اور دیگر کی نماز جنازہ ہ پڑھائی جس میں لاکھوں افراد نے شرکت کی۔
یاد رہے کہ ایرانی صدر ابراہیم رئیسی، ایرانی وزیرخارجہ اور دیگر 6 افراد 19 مئی کو ہیلی کاپٹر حادثے میں جاں بحق ہوئے تھے۔