فیاض چوہان، عظمیٰ بخاری میں دلچسپ نوک جھونک

پنجاب اسمبلی راہداری میں ن لیگی رہنما عظمٰی بخاری اور صوبائی وزیرفیاض چوہان کا آمنا سامنا ہوا ، اس دوران دونوں سیاسی شخصیات میں دلچسپ نوک جھونک ہوئی جس کی ویڈیو سوشل میڈیا پر وائرل ہو گئی. عظمٰی بخاری نے وزیرجیل خانہ جات فیاض چوہان سے مکالمہ کرتے ہوئے کہا کہ جیل میں اپنے لیے سیل بنا لیں، وزیر جیل خانہ جات فیاض الحسن چوہان نے عظمیٰ بخاری کو جواب دیتے ہوئے کہا کہ عظمٰی اگر جیل بھیجے تو جانے کو تیار ہوں، ن لیگی رہنما حنا پرویز بٹ بھی ہمراہ تھیں، فیاض الحسن چوہان نے کہا کہ میں حکومت کی پرفارمنس پیش کروں گا، ہم پریس کانفرنس کریں گے ، میں اپنا موقف دوں گا، عظمیٰ اپنا موقف دیں گی.

فیاض الحسن چوہان اور عظمی بخاری پنجاب اسمبلی کے باہر آمنے سامنے۔۔!!! عظمی بخاری کی خاطر فیاض الحسن چوہان کیا کرنے کو تیار۔۔!!! فیاض الحسن چوہان کا چیلنج سن کر عظمی بخاری نے وہاں سے نکل جانے میں عافیت سمجھی۔۔۔!!! pic.twitter.com/lggpx8zVH6

— Fayaz ul Hassan Chohan (@Fayazchohanpti) November 23, 2021

اس سے قبل عظمیٰ بخاری کا کہنا تھا کہ یہ آئی ایم ایف کے سامنے کمٹ کرکے آئے ہیں کہ یہ پٹرول کی قیمتیں 200 روپے فی لیٹر تک لے کر جائیں گے، تمام حکومتیں IMF کے پاس جاتی رہی ہیں لیکن IMF کی شرائط پر سرنگوں کرنا اور IMF کے سامنے اپنی عوام کو ذبح کرنے کا وعدہ کر کے آنا تکلیف دہ ہے .

تمام حکومتیں IMF کے پاس جاتی رہی ہیں لیکن IMF کی شرائط پر سرنگوں کرنا اور IMF کے سامنے اپنی عوام کو ذبح کرنے کا وعدہ کر کے آنا تکلیف دہ ہے ، ترجمان ن لیگ پنجاب عظمی بخاری pic.twitter.com/15MTSqOpWe

— Maryam Mazhar (@__Maryam_M) November 23, 2021

انہوں نے مزید کہا جس نے عمران خان کو جعلی صادق اور امین بنایا آج عمران خان اور سارے ترجمان ملکر اسے جعلی صادق اور امین بنا رہے ہیں ، ثاقب نثار صاحب یور ٹائم از اوور، اب آپ کو اپنے کیے ہوئے اعمال کا جواب دینا ہے.