ویب ڈیسک: بھارتی گلوکار کمار سانو نے اپنی سابقہ اہلیہ ریٹا بھٹاچاریہ کے خلاف 50 کروڑ روپے کے ہتکِ عزت کے مقدمے میں اہم قانونی کامیابی حاصل کی ہے۔
ممبئی کی عدالت نے ریٹا بھٹاچاریہ کو گلوکار اور ان کے خاندان کے خلاف توہین آمیز یا جھوٹے بیانات دینے سے سختی سے منع کر دیا ہے۔ عدالت نے حکم دیا کہ ریٹا بھٹاچاریہ پرنٹ، ڈیجیٹل یا سوشل میڈیا پر گلوکار کے خلاف ایسی کوئی بات نہ کریں جو ان کی ساکھ کو نقصان پہنچائے۔
جسٹس جادھو نے اس معاملے پر ریمارکس دیتے ہوئے کہا کہ ریٹا کے پچھلے انٹرویوز صرف تبصرے نہیں تھے، بلکہ وہ ذاتی حملوں کی حد تک چلے گئے تھے۔
کمار سانو کی وکیل، ثناء رئیس خان نے عدالت میں دلائل دیتے ہوئے کہا کہ ریٹا کے حالیہ انٹرویوز نے گلوکار کو شدید مالی اور ذاتی نقصان پہنچایا ہے۔