'ن لیگ کی حکمت عملی انکو سیاست سے مکمل باہر کر دے گی'

پاکستان تحریک انصاف کے سینئر لیڈر فواد چودھری کا کہنا ہے کہ ن لیگ کی حکمت عملی ہی ن لیگ کو سیاست سے مکمل باہر کر دے گی۔ سماجی رابطے کی ویب سائٹ ٹوئٹر پر فواد چودھری کا کہنا ہے کہ اب ن لیگ کو لگا عمران خان کیخلاف اسٹیبلشمنٹ سے نتھی ہو کر بڑی غلطی ہو گی،جاری کردہ ٹوئٹ میں فواد چودھری مزید لکھتے ہیں کہ مریم نواز اب اینٹی اسٹیبلشمنٹ چورن بیچیں، عدلیہ کیخلاف بیانات شروع ہوگئے جبکہ فوج کیخلاف اگلے چند دنوں میں شروع ہو جائیں گے۔

نون لیگ کی حکمت عملی نون لیگ کو سیاست سے مکمل باہر کر دے گی لیکن اداروں کو نقصان ہو گا، ادارے اس گرداب میں اپنی قیادت کی غلطیوں سے پھنسے ہیں اپنی حدود میں رہتے تو کچھ نہیں تھا لیکن بہرحال اب اداروں کو نون لیگ نے ٹارگٹ کرنا ہے ،

— Ch Fawad Hussain (@fawadchaudhry) July 24, 2022

انہوں نے مزید لکھا کہ ن لیگ کی حکمت عملی ن لیگ کو سیاست سے مکمل باہر کر دے گی لیکن اداروں کو نقصان ہو گا۔ سابق وفاقی وزیر کا مزید کہنا تھا کہ اس اسکیم میں خامی یہ ہے کہ لوگ 1990 والے اب نہیں ہیں اور مقابلہ بھی عمران خان سے ہے، سو پیازاورسو چھتر کا محاورہ جس طرح ن لیگ پر صادق آتا ہےاس کی مثال ملنا مشکل ہے۔ ان لوگوں نے آپس میں طے کیا ایک بھائی پرواسٹیبلشمنٹ سیاست کرے گا اور دوسرا اینٹی اسٹیبلشمنٹ منجن بیچے گا.

سو پیازاورسو چھتر کا محاورہ جس طرح نون لیگ پر صادق آت ہےاس کی مثال ملنا مشکل ہے،اسٹیبلشمنٹ کی کھوکھ سے جنم لیا آپس میں طے کیا ایک بھائ پرواسٹیبلشمنٹ سیاست کرے گا دوسرا اینٹی اسٹیبلشمنٹ منجن بیچے گا،ایک کامنجن ناکام ہوا دوسرا آگے کردو،یہی فارمولا اگلی نسل میں ٹرانسفر کیا جا رہا ہے

— Ch Fawad Hussain (@fawadchaudhry) July 24, 2022