آئی سی سی ون ڈے رینکنگ میں بابر اعظم کی ترقی

ویب ڈیسک: انٹرنیشنل کرکٹ کونسل( آئی سی سی) نے عالمی کرکٹ کی  رینکنگ جاری کر دی ہے۔

آئی سی سی ون ڈے رینکنگ میں قومی کرکٹ ٹیم کے کپتان بابر اعظم نے ایک درجہ ترقی کے بعد دوسری پوزیشن حاصل کر لی ہے۔ بھارتی کرکٹ ٹیم کے کپتان ویرات کوہلی بدستور پہلے نمبر پر براجمان ہیں جبکہ انڈین پلیئر روہت شرما تیسرے نمبر پر آ گئے ہیں۔

England's @jbairstow21 makes significant gains, enters top 10 in the latest @MRFWorldwide ICC Men's ODI Rankings for batting.

Full list: https://t.co/sipiRJgcGu pic.twitter.com/kK1QBUkYmV

— ICC (@ICC) March 24, 2021

اس کے علاوہ آئی سی سی کی جانب سے جاری ہونے والی ٹی 20 رینکنگ کے مطابق بلے بازوں کی فہرست میں بابر اعظم تیسرے نمبر پر براجمان ہیں۔ بلے بازوں کی ٹی ٹوئنٹی رینکنگ میں انگلینڈ کے ڈیوڈ ملان کا پہلا جبکہ آسٹریلیا کے ایرن فنچ کا دوسرا نمبر ہے۔

رینکنگ کے مطابق باؤلرز کی فہرست میں قومی ٹیم کا کوئی کھلاڑی شامل نہیں ہے۔ باؤلرز میں جنوبی افریقہ کے تبریز شمسی پہلے نمبر پر آ گئے ہیں جبکہ افغانستان کے راشد خان کا دوسرا اور آسٹریلیا کے اشٹن اگر کا تیسرا نمبر ہے۔