آڈیولیکس کی گفتگوانتہائی سنگین ہے ، اعظم نذیرتارڑ

وفاقی وزیرقانون اعظم نذیرتارڑ اورملک احمدخان نے پریس کانفرنس کے دوران کہا ہے کہ آڈیولیکس کی گفتگو انتہائی سنگین ہے ۔ وزیرقانون اعظم نذیرتارڑ نے کہا ہے کہ ہمیں اندازہ نہیں ہوتا لیکن باتیں نکل ہی آتی ہیں ، ماضی میں عدالتیں کوشش کرتی رہی ہیں کہ سیاسی سوالات نہ ہوں ، جب بھی سیاسی معاملات عدالت میں آئے ملک و قوم کونقصان ہوا ہے ،آج کل ٹیکنالوجی اور ہیکنگ کا زمانہ ہے ۔ اعظم نذیرتارڑ کا مزید کہنا تھا کہ کوشش ہے ماحول ایسا کر دیا جائے کہ ادارے آمنے سامنے آجائیں ، کوشش ہورہی ہے حکومتی شخصیات کو کٹہرےمیں کھڑا کیا جائے، ایسی کوششوں کیلئے حوالے دیے جا رہے ہیں ۔ وزیراعظم کے معاون خصوصی ملک احمد خان نے کہا کہ کہ جن کی آڈیولیکس ہورہی ہیں وہ سازش کا حصہ ہیں ،آڈیو کے معاملے پر وزیر قانون راستہ اختیار کریں گے ۔