ویب ڈیسک: پاکستان تحریک انصاف پنجاب میں گروپ بندیاں، پاکستان تحریک انصاف لاہور تنظیم میں عہدوں کی بندربانٹ کی اندرونی کہانی سامنے آگئی۔
ذرائع کے مطابق تحریک انصاف لاہور کی تنظیم میں پارٹی پالیسی کے خلاف افراد کو عہدے دیے جانے لگے، 8 فروری کو پی ٹی آئی کے خلاف الیکشن لڑنے والے امیدوار کو لاہور تنظیم کا نائب صدر مقرر کردیا گیا۔
عبدالکریم کلواڑ کو پاکستان تحریک انصاف لاہور کا نائب صدر مقرر کردیا گیا،عبدالکریم خان نے عام انتخابات میں پی پی 161 سے پی ٹی آئی کے خلاف الیکشن میں حصہ لیا تھا،اجلاسوں اور تقریبات میں پی ٹی آئی کے لئے ہائی ٹی اور کھابوں کے ٹھیکے دار کو بھی نواز دیا گیا۔
مظہر حفیظ بٹ کو ڈپٹی انفارمیشن سیکریٹری لاہور مقرر کردیا گیا،صدر لاہور شیخ امتیاز نے جیل سے تقرری کے نوٹی فکیشن جاری کردیے،حاجی فیاض کو بھی نائب صدر لاہور مقرر کردیا گیا،وقاص اسلم کو ایڈیشنل جنرل سیکرٹری لاہور مقرر کردیا گیا اور فاطمہ حیدر کو ڈپٹی جنرل سیکرٹری لاہور مقرر کردیا گیا۔