ویب ڈیسک: پاکستان میری ٹائم سیکیورٹی ایجنسی اور چائنہ کوسٹ گارڈ کے درمیان دوسری اعلیٰ سطحی میٹنگ، اعلیٰ سطحی میٹنگ (HLM) 24 اپریل 2024 کو بیجنگ چین میں منعقد ہوئی۔
تفصیلات کے مطابق اجلاس کی مشترکہ صدارت ڈائریکٹر جنرل پی ایم ایس اے ریئر ایڈمرل امتیاز علی اور ڈی جی چائنا کوسٹ گارڈ میجر جنرل یو ژونگ نے کی،دونوں ممالک کے درمیان بحری تعاون کو مضبوط بنانے کے مسلسل عزم پر زور دیاگیا۔
2019 میں دستخط کیے گئے میری ٹائم لا انفورسمنٹ کوآپریشن اینڈ ایکسچینج کے بارے میں مفاہمت کی یادداشت پر روشنی ڈالی گئی، ملاقات نے دو طرفہ تعلقات میں اہم کامیابیوں کو اجاگر کیا گیا،دونوں ممالک کا بحری تعاون کو گہرا کرنے، علاقائی سلامتی کو بڑھانے اور ہمہ موسمی تزویراتی تعاون پر مبنی شراکت داری کو نئی بلندیوں تک فروغ دینے کے اپنے عزم کا اعادہ کیا۔
اجلاس میں 2025 کے لیے ایک جامع منصوبہ تیار کیا گیا،جس میں باہمی اعلیٰ سطح کے دورے، درمیانی درجے کے قانون نافذ کرنے والے اہلکاروں کی تربیت، اور مشترکہ بحری مشقیں شامل ہیں،دونوں فریق بحری قانون کے نفاذ، معلومات کے تبادلے اور ماحولیاتی تحفظ میں تعاون کو مضبوط بناتے رہیں گے۔جو آپریشنل انٹرآپریبلٹی اور صلاحیت کو بڑھانے کے لیے بنائے گئے ہیں۔
یہ دوسرا HLM پاک چین شراکت داری کی سٹریٹجک گہرائی کا ثبوت ہے، دونوں ادارے علاقائی میری ٹائم سیکورٹی اور استحکام کے تحفظ کے لیے اپنے تعاون کو آگے بڑھانے کا ارادہ رکھتے ہیں۔