(ویب ڈیسک ) دنیا کے امیر ترین افراد کی فہرست جاری کردی گئی ہے۔ ایلون مسک دنیا کے امیر ترین آدمی قرار دیا گیا ہے۔
عالمی جریدے بلومبرگ نے دنیا کے امیر ترین افراد کی فہرست جاری کردی ۔ دنیا کے 15 امیر ترین لوگوں میں سے 14 کا تعلق امریکا سے ہے ۔
بلومبرگ کی فہرست کے مطابق نومبر 2024ء میں ایلون مسک 348 ارب ڈالر دولت کے ساتھ دنیا کے امیر ترین آدمی قرار پاگئے، امیزون کے مالک جیف بیزوس 219 ارب ڈالر کے ساتھ دوسرے نمبر پر ہیں۔
فہرست میں اوریکل کمپنی کے ایگزیکٹیو چیئرمین لیری ایلیسن 206 ارب ڈالر کے ساتھ تیسرے نمبر پر براجمان ہیں، فیس بک کے موجد مارک زکر برگ 198 ارب ڈالر کے ساتھ چوتھے نمبر پر ہیں، مائیکروسافٹ کے بانی بل گیٹس کا 162 ارب ڈالر کے ساتھ چھٹا نمبر ہے، معروف امریکی سرمایہ کار وارن بفٹ 150 ارب ڈالر کے ساتھ ساتویں نمبر پر ہیں، بھارتی بزنس مین مکیش امبانی 95.7 ارب ڈالر کے ساتھ 17ویں نمبر پر ہیں۔
دنیا کی 44 فیصد آبادی یا 3.5 ارب افراد غربت کی زندگی گزار رہے ہیں، 3.5 ارب غربت زدہ افراد میں سے 70 کروڑ افراد شدید غربت کی زندگی بسر کررہے ہیں۔
