(ویب ڈیسک ) واٹس ایپ کی جانب سے صارفین کیلئے ایک کارآمد فیچر کا اضافہ کیا جا رہا ہے جس کی مدد سے فارورڈ میسجز کو زیادہ بہتر کیا جاسکے گا۔ اس فیچر سے صارفین فارورڈنگ ٹیکسٹ، تصاویر، ویڈیوز، ڈاکومنٹس یا لنکس پر کاسٹیوم میسجز شیئر کرسکیں گے۔
WABetainfo کی ایک رپورٹ میں کہا گیا ہے کہ یہ نیا فیچر واٹس ایپ کے اینڈرائیڈ ڈیوائسز کے لیے جاری کیے گئے نئے بیٹا (beta) ورژن میں دیکھنے میں آیا۔
قبل ازیں واٹس ایپ صارفین تصاویر یا ویڈیوز کو فارورڈ کرتے ہوئے میسج کو بھی شامل کرسکتے تھے تاہم اب صارفین کسی بھی طرح کے فارورڈ مواد کے ساتھ ذاتی میسج یا وضاحت منسلک کرسکیں گے۔
اس نئے فیچر سے صارفین کو فارورڈ مواد کے بارے میں ضروری وضاحت کا اضافہ کرنے کی سہولت ملے گی ۔
جیسا اوپر درج کیا جاچکا ہے کہ ابھی یہ فیچر بیٹا ورژن میں متعارف کرایا گیا ہے تو یہ کہنا مشکل ہے کہ یہ کب تک تمام صارفین کو دستیاب ہوگا۔