گرمی سے بچاؤ، گدھے کے ذریعہ پنکھا چلانے کی ویڈ وائرل ہو گئی

ویب ڈیسک: گرمی کا دور شروع ہو چکا ہے۔ پاکستان اور بھارت میں گرمی کا زور دیکھنے میں آ رہا ہے۔ گرمی سے بچاؤ کے مختلف طریقے آپ نے دیکھ رکھے ہوں گے لیکن ہمسایہ ملک بھارت کے باسیوں نے انوکھا طریقہ دریافت کر لیا ہے۔

سماجی رابطوں کی ویب سائٹ ٹوئٹر پر روپن شرما نامی صارف نے ایک ویڈیو شیئر کی ہے جس میں جس میں دیکھا جا سکتا ہے کہ بھارت کے کسی گاؤں کے علاقہ میں باسیوں نے اپنی دریافت سے گرمی کا توڑ ڈھونڈ لیا ہے۔

ویڈیو میں دیکھا جا سکتا ہے کہ کچھ لوگ چارپائی پر بیٹھے ہوئے ہیں جبکہ ساتھ ہی گدھے کی مدد سے چلنے والا پنکھا نصب کیا گیا ہے۔ گدھا دائرہ کی شکل میں چل رہا ہے اور پنکھے سے چارپائی پر موجود لوگوں کو ہوا پہنچ رہی ہے۔

#Summer Solutions -देसी उपाय गर्मी से बचने का..????????पड़ोस से....@hvgoenka @vinodkapri pic.twitter.com/KHQVxj0Unn

— Rupin Sharma IPS (@rupin1992) April 19, 2021

اس ویڈیو پر مختلف ٹوئٹر صارفین نے تنقید بھی کی۔ ان کا کہنا ہے کہ آپ کی تخلیق کی ایک جانور کو تکلیف پہنچا رہی ہے۔ ایک اور صارف کا کہنا تھا کہ ایسے تجربے کرنے ہیں تو ایک بے زبان جانور کا استعمال ہی کیوں، جانور یا انسان کو ایسے تجربوں میں مت جھونکیے۔