لاہور ( پبلک نیوز) مسلم لیگ ن کے قائد میاں نواز شریف نے کہا ہے کہ عزم مصمم کرلیا ہے جمہوریت کی بقاء کی جدوجہد تادم مرگ جاری رکھوں گا۔ پاکستان ڈیمو کریٹک موومنٹ ( پی ڈی ایم) سربراہی اجلاس سے خطاب کرتے ہوئے ان کا کہنا تھا کہ پاکستان عالمی طور پر بدترین تنہائی کا شکار ہوچکا ہے۔ عوام میں اب بھی وہی جذبہ بیدار ہے، تحریک کامیابی سے ہمکنار ہو گی۔ سربراہی اجلاس میں فیصلہ کیا گیا کہ پی ڈی ایم کے کل کراچی میں ہونے والے جلسہ میں خواتین کے آنے پر کوئی پابندی نہیں۔ پی ڈی ایم میں شامل تمام جماعتوں نے اپنی خواتین ورکر سے بھر پور شرکت ہدایت کر دی۔