ویب ڈیسک: کرونا ویکسین کی دو خوراکیں لگوانے والوں کو طواف کعبہ اور مسجد نبوی ﷺ میں داخلے کی اجازت دینے کے بعد سعودی حکومت کے ایک اور احسن اقدام نے دل جیت لئے ہیں۔پچاس سال سے زائد عمرہ عازمین کی دلی مراد برآئیں، سعودی عرب نے50سال سےزائد عمرہ عازمین پرپابندی اٹھالی ہے۔
سعودی عرب کے اخبار روزنامے ’عکاظ‘ کے مطابق وزارت حج وعمرہ کی جانب سے زیادہ سے زیادہ عمر کی حد کی پابندی ختم کیے جانے کے بعد بیرون مملکت سے معمر افراد بھی عمرہ کے لیے آسکتے ہیں۔
اخبار کےمطابق وزارت کی جانب سے بیرون ملک سے آنے والے عمرہ زائرین کے لیے زیادہ سے زیادہ 50 برس عمر کی شرط عائد کی گئی تھی جبکہ کم سے کم 18 برس تھی۔وزارت حج وعمرہ کی جانب سے جاری کیے جانے والے احکامات کی رو سے عمر کی زیادہ سے زیادہ حد ختم کردی گئی ہے جبکہ کم از کم عمر کی حد برقرار ہے۔
سعودی عرب کی جانب سے جاری اعلان میں کہا گیا کہ 12سال عمر سےبڑے افراد بھی اب عمرہ کرسکیں گے، زائرین سفر سے پہلےکرونا ویکسین لگائیں گے۔