ویب ڈیسک: مشہور گانوں کو بےسُرے انداز میں ری میک کرنے والے کاشف رانا المعروف چاہت فتح علی خان کو معروف گلوکار عدنان سمیع نے اپنا گانا گنگنانے پر نیا خطاب دیدیا۔
عدنان سمیع نے اپنے آفیشل انسٹاگرام اکاؤنٹ پر چاہت فتح علی خان کی ایک ویڈیو شیئر کی جس میں وہ ان کا مشہور گانا 'ذرا ڈھولکی بجاؤ گوریو' گا رہے ہیں, گانا گاتے ہوئے چاہت فتح علی خان نے نہ صرف اِس مقبول گانے کے سارے سُر ہلا دیے بلکہ اپنی طرف سے اوٹ پٹانگ شعر بھی شامل کردیے۔
نوے کی دہائی کا یہ مشہور گانا عدنان سمیع نے 1995 میں ریلیز ہونے والی پاکستانی فلم 'سرگم' کیلئے گایا تھا جوکہ پاکستان سمیت بھارت میں بھی آج تک مقبول ہے, چاہت فتح علی خان نے اِس مقبول گانے کو اپنے مخصوص انداز میں گایا تو خود عدنان سمیع بھی تبصرہ کیے بغیر نہ رہ سکے۔
اپنا انسٹاگرام اکاؤنٹ پر چاہت فتح علی خان کی ویڈیو شیئر کرتے ہوئے عدنان سمیع نے لکھا کہ 'زلزلہِ موسیقی,,تھوڑا خدا کا خوف تو بنتا ہے چھوٹے!