پاکستان معاشی استحکام کیلئےآئی ایم ایف کیساتھ کام جاری رکھے:امریکا

پاکستان معاشی استحکام کیلئےآئی ایم ایف کیساتھ کام جاری رکھے:امریکا
کیپشن: پاکستان معاشی استحکام کیلئےآئی ایم ایف کیساتھ کام جاری رکھے:امریکا

ویب ڈیسک:  امریکا نے کہا ہے کہ پاکستانی حکومت کو فوری معاشی صورتحال پر توجہ دینا ہو گی، پاکستان آئی ایم ایف اور دیگر مالیاتی اداروں کے ساتھ کام جاری رکھے۔

 تفصیلا ت کے مطابق امریکی محکمہ خارجہ کے ترجمان نے میڈیا بریفنگ کے دوران قرضوں اور بین الاقوامی فنانسنگ کے شیطانی چکر سے آزادی کیلئے پاکستان کی جانب سے کی جانے والی کوششوں کی حمایت کرتے ہوئے کہا ہے کہ پاکستانی معیشت کی طویل مدتی صحت اس کے استحکام کیلئے اہم ہے، پاکستان کی نئی حکومت کو فوری طور پر معاشی صورتحال کو ترجیح دینا ہوگی۔

میتھیو ملر نے مزید کہا ہے کہ آئندہ کئی ماہ کی پالیسیاں پاکستانیوں کیلئے معاشی استحکام کو برقرار رکھنے کیلئے انتہائی اہم ہوں گی، امریکا پاکستان پر زور دیتا ہے کہ وہ آئی ایم ایف اور دیگر بین الاقوامی مالیاتی اداروں کے ساتھ میکرو اکنامک ریفارمز کیلئے کام جاری رکھے۔