ویب ڈیسک: موسیقی کی دنیا کے سب سے بڑے اعزازات، گریمی ایوارڈز 2026 کے لیے نامزدگیوں کا اعلان کر دیا گیا ہے، جبکہ ایوارڈ شو کی تیاریاں بھی زور و شور سے جاری ہیں۔ اس بار تقریب میں مکمل توجہ فن، موسیقی اور ٹیلنٹ کی پذیرائی پر مرکوز رہے گی۔ واضح رہے کہ 2025 کے گریمی ایوارڈز میں لاس اینجلس کے جنگلاتی آگ سے متاثرہ افراد کی مدد کو نمایاں طور پر اجاگر کیا گیا تھا۔
ریکارڈنگ اکیڈمی کے سی ای او اور صدر ہاروی میسن جونیئر کا کہنا ہے کہ اس سال کئی نئے اور پہلی بار نامزد ہونے والے فنکار اہم کیٹیگریز میں شامل ہیں۔ ان کے مطابق شائقین کو اس بار تاریخی اور یادگار لمحات دیکھنے کو ملیں گے۔
گریمی ایوارڈز 2026 کہاں اور کیسے دیکھے جا سکیں گے؟
مرکزی تقریب لاس اینجلس کے کرپٹو ڈاٹ کام ارینا سے براہِ راست CBS پر مشرقی وقت کے مطابق رات 8 بجے نشر کی جائے گی۔ Paramount+ کے پریمیم صارفین بھی اس شو کو براہِ راست اسٹریمنگ کے ذریعے دیکھ سکیں گے، جبکہ بنیادی سبسکرپشن رکھنے والوں کے لیے شو اگلے دن آن ڈیمانڈ دستیاب ہوگا۔
اس کے علاوہ گریمی ایوارڈز کو Hulu + Live TV، YouTube TV اور FuboTV جیسی لائیو ٹی وی اسٹریمنگ سروسز کے ذریعے بھی دیکھا جا سکے گا، جن کے لائن اپ میں CBS شامل ہے۔
گریمیز کی پریمیئر سیرمونی مرکزی شو سے قبل سہ پہر 3:30 بجے (مشرقی وقت) پیکاک تھیٹر میں منعقد ہوگی، جسے ریکارڈنگ اکیڈمی کے یوٹیوب چینل اور live.GRAMMY.com پر براہِ راست دیکھا جا سکے گا۔
نامزدگیاں
اس سال کندریک لامار سب سے زیادہ نو نامزدگیوں کے ساتھ سبقت لے گئے ہیں۔ وہ ریکارڈ آف دی ایئر، گانا آف دی ایئر اور البم آف دی ایئر سمیت متعدد اہم کیٹیگریز میں نامزد ہیں۔ یہ تیسری بار ہے کہ انہیں بیک وقت ان بڑی کیٹیگریز میں نامزدگی ملی ہے۔ اس کے علاوہ وہ پاپ ڈوئٹ/گروپ پرفارمنس، میلوڈک ریپ پرفارمنس، ریپ گانا اور ریپ البم کیٹیگریز میں بھی شامل ہیں۔
گریمیز 2026 میں کئی فنکار پہلی بار نامزد ہوئے ہیں، جن میں Tate McRae، Zara Larsson، PinkPantheress، JID اور Timothée Chalamet شامل ہیں۔
ریڈ کارپٹ اور پرفارمنسز
ایسوسی ایٹڈ پریس کی جانب سے چار گھنٹے پر مشتمل ریڈ کارپٹ شو اسٹریمنگ کیا جائے گا، جس میں انٹرویوز اور فیشن کی جھلکیاں شامل ہوں گی۔ یہ شو یوٹیوب اور APNews.com پر دستیاب ہوگا۔
جسٹن بیبر 2026 کے گریمی ایوارڈز میں پرفارم کریں گے، جو اتوار یکم فروری کو منعقد ہوں گے۔ یہ ان کی پہلی گریمی پرفارمنس ہوگی جب سے انہوں نے 2022 میں Giveon اور Daniel Caesar کے ساتھ ’Peaches‘ پیش کیا تھا۔
بیبر کے علاوہ شو میں کلپس، فیرل ویلیمز، سبرینا کارپنٹر اور بیسٹ نیو آرٹسٹ کیٹیگری کے نامزد فنکار—The Marías، Addison Rae، Alex Warren، KATSEYE، Leon Thomas، Sombr، Lola Young اور Olivia Dean بھی پرفارم کریں گے۔ مزید پرفارمرز کا اعلان بعد میں کیا جائے گا۔
سابق پرفارمرز اور ایوارڈ یافتگان ہیری اسٹائلز اور Doechii اس بار پیش کنندگان کے طور پر تقریب میں شریک ہوں گے، جبکہ شو کی میزبانی ٹریور نوح کریں گے، جو چھٹی اور آخری بار گریمی ایوارڈز کی میزبانی کریں گے۔
جسٹن بیبر کی نامزدگیاں
جسٹن بیبر کو اس سال چار کیٹیگریز میں نامزد کیا گیا ہے، جن میں البم آف دی ایئر اور بہترین پاپ ووکل البم برائے Swag، بہترین پاپ سولو پرفارمنس برائے Daisies اور بہترین آر این بی پرفارمنس برائے Yukon شامل ہیں۔ البم آف دی ایئر کیٹیگری میں ان کا مقابلہ بیڈ بونی، سبرینا کارپنٹر، کلپس، لیڈی گاگا، کندریک لامار، لیون تھامس اور ٹائلر، دی کریئیٹر سے ہوگا۔