ویب ڈیسک: آئی سی سی ویمنز پلیئرز رینکنگ جاری کر دی گئی۔ کوئی بھی پاکستانی کھلاڑی ٹاپ 10 میں جگہ نہ بناسکی۔
تفصیلات کے مطابق ویمنز ون ڈے بیٹرز کی رینکنگ میں انگلینڈ کی نیٹ سکیور برنٹ کا پہلا نمبر برقرار ہے۔ سری لنکا کی چماری اتھاپتھو ایک درجے ترقی کے بعد تیسرے نمبر پر آ گئیں۔ نیوزی لینڈ کی صوفی ڈیوائن تین درجے ترقی کے بعد 8 ویں نمبر پر آ گئیں۔
ٹاپ 20 ون ڈے بیٹرز میں پاکستان کی کوئی کھلاڑی شامل نہیں۔
ویمنز ون ڈے باؤلرز میں انگلینڈ کی صوفی ایکلسٹون کا پہلا نمبر ہے۔ بھارت کی دیپتی شرما دو درجے ترقی کے بعد دوسرے نمبر پر آ گئیں۔ ٹاپ ٹین باؤلرز میں پاکستان کی کوئی کھلاڑی شامل نہیں۔
ویمنز ون ڈے آل راؤنڈر میں ساؤتھ افریقہ کی ماریزین کیپ کا پہلا نمبر برقرار ہے۔