ویب ڈیسک: نادرا کی جانب سے اپنی ’ پاک آئی ڈی‘ اپلی کیشن میں مزید نئے فیچر متعارف کرادیئے گئے۔
تفصیلات کےمطابق نادرانےپی اوسی کےحامل افراد کے لئے ویڈیو یا تصویر کے ذریعے تصدیق کی سہولت فراہم کر دی، شناختی دستاویزات میں تبدیلی کا عمل بھی انتہائی آسان کر دیا گیا۔
’ پاک آئی ڈی‘ ایپ پر پیچیدہ فنگر پرنٹس کا طریقہ کار پہلے سے بہتر و مزید آسانی فراہم کی گئی،صارفین آٹو میٹڈ میسیجنگ کے ذریعے ہر لمحہ کسی بھی قسم کے دستاویزات بارے باخبر رہ سکیں گے،’ پاک آئی ڈی‘ ایپلی کیشن میں نادرا دفاتر بارے تمام تر ضروری معلومات بھی فراہم کردی گئی۔
واضح رہے کہ جدید ترین ’ پاک آئی ڈی موبائل ایپ‘ کے ذریعے شہری اب نہ صرف شناختی کارڈ اور دیگر شناختی دستاویزات بنوانے کی درخواستوں کے لئے تمامتر کارروائی موبائل فون پر ہی مکمل کر سکتے ہیں بلکہ شناختی کارڈ یا دستاویزات اپنے گھر پر منگوا سکتے ہیں۔
پاک آئی ڈی موبائل ایپ کی بدولت اب پاکستانی شہریوں کو شناختی کارڈاور فیملی رجسٹریشن کارڈ بنوانے کے لئے نادرا دفاتر جانے اور لمبی قطاروں میں انتظار کرنے کی بالکل ضرورت نہیں۔