ویب ڈیسک: منگل کی شب فلپائن کے مشرقی حصے میں شدید زلزلہ آیا جس کی شدت 6.7 ریکارڈ کی گئی۔ یہ جھٹکے رات 9 بج کر 59 منٹ پر محسوس کیے گئے۔
فلپائن انسٹیٹیوٹ آف وولکینالوجی اینڈ سیسمولوجی (Phivolcs) کے مطابق زلزلے کا مرکز اُرموک شہر سے 56 کلومیٹر مغرب میں تھا، جو کہ سیبو کے قریب ہے۔ زلزلے کی گہرائی تقریباً 10 کلومیٹر ریکارڈ کی گئی اور اس کی نوعیت ٹیکٹونک تھی۔
زلزلے کے باعث مختلف مقامات پر نقصانات کی اطلاعات موصول ہوئی ہیں۔ سیبو میں ایک چرچ کا کچھ حصہ گر گیا جبکہ سیبو سٹی کے پیئر ٹرمینل 3 کو بھی نقصان پہنچا۔
Phivolcs کے مطابق’ سیبو میں زلزلے کے 3 جھٹکے محسوس کئے گئے، لاؤانگ (ناردرن سمار) اور لیگازپی سٹی (البے صوبہ) میں بھی زلزلے کے جھٹکے محسوس کیے گئے۔
#EarthquakePH #EarthquakeCebu#iFelt_CebuEarthquake
— PHIVOLCS-DOST (@phivolcs_dost) September 30, 2025
Earthquake Information No.1
Date and Time: 30 September 2025 - 09:59 PM
Magnitude = 6.7
Depth = 010 km
Location = 11.09°N, 124.13°E - 017 km N 73° E of City Of Bogo (Cebu)https://t.co/Fn73OkgFmX pic.twitter.com/yuuSJBUC70
ابتدائی رپورٹس میں بتایا گیا ہے کہ سنٹرل وِسایاس ریجن میں مزید آفٹر شاکس اور نقصانات کا خدشہ موجود ہے۔ تاہم حکام نے واضح کیا ہے کہ اس زلزلے سے سونامی کا خطرہ نہیں ہے۔
اس خوفناک زلزلے میں کتنا جانی و مالی نقصان ہوا اس حوالے سے حکام اور مقامی ٹیمیں متاثرہ علاقوں میں جائزہ لے رہی ہیں۔