دبئی: انٹرنیشنل کرکٹ کونسل (آئی سی سی) کی جانب سے دونوں ٹیموں کو ایشیا کپ میں اتوار کو کھیلے جانے والے میچ میں سلو اوور ریٹ پر جرمانہ کیا گیا ہے۔ انٹرنیشنل کرکٹ کونسل (آئی سی سی ) نے پاکستان اور بھارت کی ٹیموں پر سلو اوور ریٹ پر 40 فیصد میچ فیس کا جرمانہ عائد کردیا ہے۔آئی سی سی کا کہنا ہے کہ الاٹ شدہ وقت میں دونوں ٹیمیں دو دو اوورز پیچھے رہیں ۔ کھلاڑیوں کو ایک اوور کا میچ فیس کا 20 فیصد جرمانہ عائد ہوا، پاکستان اور بھارت کی ٹیموں کے کپتانوں نے غلطی کے ساتھ جرمانے کو تسلیم کیا ہے۔ خیال رہے کہ ایشیا کپ ٹی ٹوئنٹی ٹورنامنٹ میں کھیلے گئے ایونٹ کے دوسرے میچ میں بھارت نے پاکستان کو شکست دی تھی۔