لاہور(پبلک نیوز) صوبائی دارالحکومت کے علاقے چوہنگ میں خاتون نے آشنا اور دو ساتھیوں سے مل کر مبینہ طور پر شوہر پر پٹرول چھڑک کر آگ لگا دی۔
پولیس کے مطابق خاتون نسیم بی بی نے مرتضی اور ندیم وغیرہ سے مل کر شوہر ارشد پر پٹرول چھڑک کر آ گ لگائی، ارشد کو تشویشناک حالت میں ہسپتال منتقل کر دیا گیا ہے۔ پولیس کا کہنا ہے کہ ملزمہ نسیم بی بی کامرتضی کے ساتھ معاشقہ تھا۔ شوہر ارشد نے منع کیا تو سفاک بیوی نے آشنا اور ساتھی ندیم وغیرہ سے مل کر آ گ لگا دی جس سے وہ بری طرح جھلس گیا۔پولیس کا کہنا ہے کہ معاملے کی مزید تحقیقات کی جارہی ہیں۔