ویب ڈیسک: لاہور میں پاک فوج کے زیراہتمام تیسری چیف آف آرمی اسٹاف انٹر کلب نیشنل ہاکی چیمپئن شپ 2026 کا انعقاد ہوا۔
نیشنل لیول ہاکی چیمپئن شپ کا فائنل باچا خان ہاکی کلب بنوں اور رانا مجاہد علی ہاکی کلب فیصل آباد کے درمیان کھیلا گیا۔ باچا خان ہاکی کلب بنوں نے تین گول کے مقابلے میں پانچ گول کرکے ٹائٹل اپنے نام کرلیا۔ ہاکی چیمپئن شپ کا فائنل دیکھنے کیلئےسابق اولمپئنز اور ہاکی شائقین کی بڑی تعداد موجود تھی۔ کھیل کے اختتام پر مہمان خصوصی، جی او سی محفوظ گیریژن نے کھلاڑیوں کی حوصلہ افزائی کی اور انعامات تقسیم کئے۔
سابق اولمپیئنزکا کہنا تھا کہ ٹیلنٹ ہنٹ پروگرام کے تحت ملک میں ہاکی کا مستقبل پھر سے روشن ہوتا دکھائی دے رہا ہے۔ ایسے ایونٹس ملک میں ہاکی کا نیا ٹیلنٹ سامنے لانے میں انتہائی اہم ثابت ہوں گے۔
شائقین نے ملک میں ہاکی کے فروغ کیلئے چیمپئن شپ کے انعقاد پرپاک فوج کا شکریہ ادا کیا۔